அனுஷ்கா இடத்தில் அகர்வால்!

தமிழ், தெலுங்கு ஆகிய இரண்டு மொழிகளிலும் நடித்து வருகின்றனர் அனுஷ்காவும், காஜல் அகர்வாலும். தெலுங்கில் இருவருக்குமிடையே கடும் போட்டி நிலவி வருகிறது. ரவிதேஜா ஹீரோவாக நடிக்கும் "வீரா' படத்தில் ஒப்பந்தமானார் அனுஷ்கா. அந்தப் படத்துக்காக கால்ஷீட்டும் ஒதுக்கித் தந்தார். இந்நிலையில் படத்தின் படப்பிடிப்பு தள்ளிப் போனது. இதனால் மற்ற படங்களுக்கு ஒதுக்கப்பட்ட கால்ஷீட்டில் பிரச்னை வரும் நிலை இருப்பதால் அந்தப் படத்திலிருந்து தற்போது விலகியுள்ளார் அனுஷ்கா. இதையடுத்து ரவிதேஜா தரப்பு காஜல் அகர்வாலுக்கு ஹீரோயின் வாய்ப்பை வாங்கித் தந்திருக்கிறது. "பிருந்தாவனம்' ஹிட்டுக்குப் பின் பெரிய ஹீரோக்களின் படங்களையே தேர்வு செய்து காஜல் நடித்து வருவதால் "வீரா' படத்துக்காக நீண்ட நாள்கள் கால்ஷீட் ஒதுக்கித் தந்துள்ளாராம்.