பழமொழி நானூறு: முன்றுறையரையனார்

நூக்கி அவர் வெலினும், தாம் வெலினும், வெஞ்சமத்துத்
தாக்கி எதிர்ப்படுவர், தக்கவர், அஃது அன்றி,
காப்பின் அகத்து இருந்து காய்வார் மிக உரைத்தல்
யாப்பினுள் அட்டிய நீர்.       (பாடல்: 296)

போரில் பகைவர் வென்றாலும் தாம் வென்றாலும் இரண்டில் ஒன்று பார்த்து விடுதல்தான் நன்று. அவ்வாறு இன்றிக் கோட்டையை மூடிக்கொண்டு உள்ளிருந்து வீரம் பேசுவது பகை வயலுள் நீர்ப் பாய்ச்சியதற்கு ஒப்பாகும்.