கலிபோர்னியாவில் காட்டுத் தீ: 4 ஆயிரம் பேர் பாதுகாப்பான இடங்களுக்கு ஓட்டம்

அமெரிக்காவின் கலிபோர்னியா மாநிலத்தில் உள்ள சான் ஆன்ட்ரியாஸ் வனப் பகுதியில் தீ பற்றிக்கொண்டது. இதனால் அங்குள்ள 400 வீடுகள் எரிந்து சாம்பலானது. சுமார் 1 லட்சத்து 15 ஆயிரம் ஏக்கர் தீயில் கருகியது என ஆங்கிருந்து வரும் செய்திகள் தெரிவிக்கின்றன.

தகவல் அறிந்து சம்பவ இடத்துக்கு விரைந்து வந்த தீயணைப்புத் துறையினர் தீயை அணைக்கும் முயற்சியில் ஈடுபட்டுள்ளனர்.

இதுவரை 400 பேர் தங்கள் வீடுகளை இழந்துள்ளனர். வனப் பகுதியில் வசித்து வரும் 4 ஆயிரம் பேர் தங்கள் உயிரைக் காப்பாற்றிக் கொள்வதற்காக பாதுகாப்பான இடம் தேடி ஓட்டம் பிடித்துள்ளனர்.

இதையடுத்து கலிபோர்னியா மாநிலத்தில் அவசரநிலை பிரகடனம் செய்யப்பட்டுள்ளது.