கரோனா: மத்திய, கிழக்கில் அதிசயம்

வடக்கு, தெற்கு ஐரோப்பாவில் கரோனாவால் உயிரிழப்பு மிக அதிகம். அதேவேளையில் மத்திய, கிழக்கு ஐரோப்பாவில் குறைந்த அளவிலான உயிரிழப்புகளே ஏற்பட்டுள்ளன. வடக்கு தெற்கு ஐரோப்பாவை சேர்ந்த ஸ்பெயினில் உயிரிழப்பு 10 லட்சம் பேருக்கு 517, இத்தாலியில் 453, பிரான்ஸில் 353, பிரிட்டனில் 323 என்கிற சராசரி விகிதத்தில் உள்ளது. மத்திய, கிழக்கு ஐரோப்பாவை சேர்ந்த ஸ்லோவேக்கியாவில் உயிரிழப்பு 10 லட்சம் பேருக்கு 4, போலந்தில் 16, செக் குடியரசில் 21, ஆஸ்திரியாவில் 45 என்ற குறைந்த விகிதத்தில் உள்ளது.
இத்தாலி, பிரிட்டனில் கடந்த ஜனவரியிலேயே முதல் கரோனா தொற்று உறுதியான நிலையில், செக் குடியரசு, போலந்து, ஸ்லோவேக்கியாவில் மார்ச் முதல் வாரத்தில்தான் முதல் தொற்று உறுதியானது. பிரிட்டன், இத்தாலி போன்ற நாடுகளைப் பார்த்தும், கரோனாவின் தீவிரத்தைப் பற்றியும் நன்கு உணர்ந்து முன்னெச்சரிக்கை நடவடிக்கைகளை எடுப்பதற்கு இந்தக் கால அவகாசம் போதுமானதாக இருந்தது.