ரஷியாவில் கடந்த 24 மணி நேரத்தில் 10,028 பேருக்கு கரோனா வைரஸ் தொற்று உறுதி செய்யப்பட்டுள்ளது.
ரஷியாவில் தொடர்ந்து 11 ஆவது நாளாக, நாள் ஒன்றுக்கு 10 ஆயிரத்தைக் கடந்த நிலையில் கரோனா பாதிப்பு உள்ளது. கடந்த 11 ஆம் தேதி 11,656 பேருக்கு பாதிப்பு ஏற்பட்டதே ஒருநாளில் அதிகபட்ச பாதிப்பாகும்.
இந்நிலையில், கடந்த 24 மணி நேரத்தில் 10,028 பேருக்கு கரோனா பாதிப்பு உறுதி செய்யப்பட்டுள்ளதாக அந்நாட்டு சுகாதாரத்துறை தகவல் வெளியிட்டுள்ளது. இதனால் அந்நாட்டில் மொத்த பாதிப்பு 2,42,271 ஆக உள்ளது.
ரஷியாவில் இதுவரை கரோனாவுக்கு ஏற்பட்ட உயிரிழப்பு 2 ஆயிரத்தைத் தாண்டியுள்ளது. 2,212 பேர் உயிரிழந்துள்ளனர். நேற்று மட்டும் 96 பேர் பலியாகியுள்ளனர். அதே நேரத்தில் 48 ஆயிரம் பேர் முழுமையாக சிகிச்சை பெற்று குணமடைந்து வீடு திரும்பியுள்ளனர்.
ரஷியாவில் கடந்த சில தினங்களாக கரோனாவால் பாதிக்கப்பட்டோர் அதிகரித்து வரும் நிலையில், பாதிப்பில் 5வது இடத்தில் இருந்த ரஷியா இத்தாலி, பிரிட்டன், ஸ்பெயினை விஞ்சி நேற்று உலக அளவில் கரோனா பாதிப்பில் இரண்டாம் இடத்தில் இருந்தது.
புதன்கிழமை நிலவரப்படி, ரஷியா கரோனா பாதிப்பில் 3 ஆம் இடத்தில் உள்ளது.
புதன்கிழமை நிலவரம்:
| நாடு | கரோனா பாதித்தோர் எண்ணிக்கை |
| அமெரிக்கா | 14,08,636 |
| ஸ்பெயின் | 2,69,520 |
| ரஷியா | 2,42,271 |
| பிரிட்டன் | 2,26,463 |
| இத்தாலி | 2,21,216 |
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.