உலகளவில் 3 லட்சத்தைத் தாண்டியது கரோனா பலி

கரோனா வைரஸ் நோய்த் தொற்றால் உலகளவில் மொத்தம் பலியானோரின் எண்ணிக்கை 3 லட்சத்தைத் தாண்டியுள்ளது.

முதலில் சீனாவில் பாதிப்பை உண்டாக்கிய கரோனா வைரஸ் நோய்த் தொற்று படிப்படியாக உலக நாடுகளுக்கும் பரவத் தொடங்கியது. குறிப்பாக ஐரோப்பிய நாடுகள் இந்த நோய்த் தொற்றால் கடுமையான பாதிப்பைச் சந்தித்துள்ளன. இந்த நோய்த் தொற்றால் தற்போது 200-க்கும் மேற்பட்ட நாடுகள் பாதிப்படைந்துள்ளன.

இந்த நிலையில், கரோனா தொற்றால் மொத்தம் பலியானோரின் எண்ணிக்கை உலகளவில் 3 லட்சத்தைத் தாண்டியுள்ளது. இதில் அதிகபட்சமாக அமெரிக்காவில் மட்டும் 85,463 பேர் பலியாகியுள்ளனர்.