சீனாவில் டிரக்-பேருந்து மோதல்: 11 பேர் பலி

சீனாவில் டிரக்கும் பேருந்தும் நேருக்கு நேர் மோதிக்கொணட்தில் 11 பேர் பலியானார்கள். 
சீனாவில் கிழக்கே ஜியாங்சு மாகாணத்தில் இன்று அதிகாலை டிரக் ஒன்று சாலையில் நடுவே இருந்த தடுப்பைத் தாண்டி எதிர்திசையில் வந்த பயணிகள் பேருந்து மீது மோதியது. இந்த விபத்தில் 11 பேர் பலியானார்கள். 19 பேர் காயமடைந்தனர். 
தகவல் அறிந்து வந்த மீட்புக்குழுவினர் காயமடைந்தவர்களை மீட்டு மருத்துவமனைக்கு அனுப்பிவைத்தனர். விபத்து குறித்து விசாரணை நடைபெற்று வருகிறது. விபத்துக்குள்ளான பேருந்து ஷாங்காய் மற்றும் ஜியாங்சு இடையே இயக்கப்பட்டு வந்தது குறிப்பிடத்தக்கது. 
கடந்த 2019ஆம் ஆண்டு சீனாவில் நிகழ்ந்த 2,48,000 சாலை விபத்துக்களில் 63,000 பேர் வரை இறந்துள்ளனர்.