ஆப்கனை அமெரிக்கா கைவிட்டுவிட முடியாது: சீனா

ஆப்கானிஸ்தானை அமெரிக்கா மிக எளிதாக கைவிட்டுவிட முடியாது என சீனா கூறியுள்ளது.

இதுகுறித்து சீன வெளியுறவு அமைச்சக செய்தித் தொடா்பாளா் வாங் வென்பின் திங்கள்கிழமை கூறியது: ஆப்கன் விவகாரத்துக்கு மூல காரணியே அமெரிக்காதான். அந்நாட்டை அமெரிக்கா எளிதில் கைவிட்டுவிட்டு ஓடிவிட முடியாது. ஆப்கனில் நிலைத்தன்மையை ஏற்படுத்தவும், மறுகட்டமைக்கவும், மனிதாபிமான உதவிகளைச் செய்யவும் அமெரிக்கா முன்வர வேண்டும் என்றாா்.

ஆப்கனை மறுகட்டமைக்க தலிபான்கள் உள்பட அனைத்துப் பிரிவினருடனும் இணைந்து செயல்பட தயாராக உள்ளதாக சீனா ஏற்கெனவே விருப்பம் தெரிவித்துள்ளது குறிப்பிடத்தக்கது.