ரஷியாவில் கடந்த 24 மணி நேரத்தில் 11,198 பேருக்கு கரோனா

ரஷியாவில் கடந்த 24 மணிநேரத்தில் 11,198 பேருக்கு கரோனா தொற்று கண்டறியப்பட்டுள்ளதாக காதாரத்துறை வியாழக்கிழமை தெரிவித்துள்ளது.

கரோனா இரண்டாம் அலையால் ரஷியாவில் கரோனா பாதிப்பு கடந்த ஒரு சில மாதங்களாக மீண்டும் அதிகரித்து வருகிறது.

இந்நிலையில் கடந்த 24 மணி நேரத்தில் ஏற்பட்ட கரோனா பாதிப்பு விவரங்களை அந்நாட்டு சுகாதாரத்துறை வெளியிட்டுள்ளது. 

புதிதாக 11,198 பேருக்கு கரோனா வைரஸ் தொற்று இருப்பது உறுதி செய்யப்பட்டுள்ளது. இதையடுத்து மொத்த பாதிப்பு 42,12,100 ஆக அதிகரித்துள்ளது. தலைநகர் மாஸ்கோவில் புதிதாக 1,406 பேருக்குத் தொற்று ஏற்பட்டுள்ளது. 

ரஷியாவில் கரோனா தொற்றுக்கு மேலும் 446 பேர் உயிரிழந்ததையடுத்து, மொத்த பலி எண்ணிக்கை 84,876 ஆக அதிகரித்துள்ளது. 

ஒரேநாளில் 16,102 பேர் நோயிலிருந்து மீண்டுள்ளதையடுத்து, இதுவரை நாட்டில் 3,76,7,664 பேர் குணமடைந்துள்ளனர் என்று சுகாதாரத்துறை தெரிவித்துள்ளது.