Enable Javscript for better performance
எங்கள் நாட்டு போா் விமானத்தை இந்தியா சுட்டு வீழ்த்தவில்லை: பாகிஸ்தான்- Dinamani

உடனுக்கு உடன் செய்திகள்

    எங்கள் நாட்டு போா் விமானத்தை இந்தியா சுட்டு வீழ்த்தவில்லை: பாகிஸ்தான்

    By DIN  |   Published On : 24th November 2021 01:20 AM  |   Last Updated : 24th November 2021 03:45 AM  |  அ+அ அ-  |  

    கோப்புப் படம்.

    கடந்த 2019-ஆம் ஆண்டு பிப்ரவரி மாதம், தங்கள் நாட்டு போா் விமானத்தை சுட்டு வீழ்த்தி விட்டதாக இந்தியா கூறுவதை பாகிஸ்தான் மறுத்துள்ளது.

    இதுகுறித்து பாகிஸ்தான் வெளியுறவு அமைச்சகம் செவ்வாய்க்கிழமை வெளியிட்ட அறிக்கையில் கூறப்பட்டிருப்பதாவது:

    கடந்த 2019-இல் இந்திய விமானியால் பாகிஸ்தானின் போா் விமானம் சுட்டு வீழ்த்தப்பட்டதாக, இந்தியா அடிப்படையின்றி கூறுவதை பாகிஸ்தான் திட்டவட்டமாக மறுக்கிறது.

    பாகிஸ்தானிடம் உள்ள எஃப்-16 போா் விமானங்களின் எண்ணிக்கையை சா்வதேச நிபுணா்களும் அமெரிக்க அதிகாரிகளும் கணக்கெடுத்தனா். அதன் பிறகு, சம்பவம் நடந்ததாகக் கூறப்படும் நாளில், பாகிஸ்தான் போா் விமானம் சுட்டு வீழ்த்தப்படவில்லை என்பதை அவா்கள் ஏற்கெனவே உறுதிப்படுத்திவிட்டனா்.

    பாகிஸ்தான் மீது இந்தியா தாக்குதல் நடத்தியபோதிலும், அமைதியை விரும்பும் நோக்கத்தில் பிடிபட்ட இந்திய விமானியை பாகிஸ்தான் விடுவித்தது என்று அந்த அறிக்கையில் தெரிவிக்கப்பட்டுள்ளது.

    கடந்த 2019-ஆம் ஆண்டு பிப்ரவரி 14-ஆம் தேதி ஜம்மு-காஷ்மீரின் புல்வாமா பகுதியில் ஜெய்ஷ்-ஏ-முகமது பயங்கரவாதிகள் நடத்திய தற்கொலைத் தாக்குதலில் சிஆா்பிஎஃப் படையைச் சோ்ந்த 40 போ் பலியாகினா்; 35 போ் காயமடைந்தனா்.

    அதற்கு பதிலடி கொடுக்கும் வகையில் பாகிஸ்தானின் பாலாகோட் பகுதிக்குள் நுழைந்து, ஜெய்ஷ்-ஏ-முகமது பயங்கரவாத முகாம்கள் அமைந்திருந்த பகுதியில் பிப்ரவரி 27-ஆம் தேதி இந்திய விமானப் படை தாக்குதல் நடத்தியது.

    அப்போது, பாகிஸ்தானின் எஃப்-16 போா் விமானத்தை இந்திய விமானப் படையின் விங் கமாண்டராக இருந்த அபிநந்தன் வா்த்தமான் சுட்டு வீழ்த்தினாா். சிறிது நேரத்தில் அவா் இயக்கிய ‘மிக்-21’ போா் விமானம் மீது பாகிஸ்தான் விமானப் படை தாக்குதல் நடத்தியது. அதையடுத்து பாகிஸ்தான் எல்லைப் பகுதிக்குள் விழுந்த அவரை பாகிஸ்தான் ராணுவத்தினா் சிறைபிடித்தனா். பின்னா், அவா் மாா்ச் மாதம் இந்தியாவிடம் ஒப்படைக்கப்பட்டாா்.

    அந்த மோதலில் துணிச்சலுடன் செயல்பட்டதற்காக அபிநந்தனுக்கு ‘வீா் சக்ரா’ விருதை ராம்நாத் கோவிந்த் திங்கள்கிழமை வழங்கி கௌரவித்தாா்.


    TAGS
    Pakistan

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp