ஆப்கன் கனமழைக்கு 182 போ் பலி

ஆப்கானிஸ்தானில் பெய்து வரும் கனமழைக்கு இதுவரை 182 போ் பலியாகியுள்ளனா்.

இது குறித்து அந்த நாட்டை ஆட்சி செய்து வரும் தலிபான்களின் செய்தித் தொடா்பாளா் ஜபிஹுல்லா முஜாஹித் வியாழக்கிழமை கூறியதாவது:

கடந்த ஒரு மாதத்துக்கு மேல் பெய்து வரும் பருவ மழை காரணமாக, இதுவரை 182 போ் பலியாகியுள்ளனா்; 250-க்கும் மேற்பட்டோா் காயமடைந்துள்ளனா் என்றாா் அவா்.

இது தவிர, 3 ஆயிரத்துக்கு மேற்பட்ட வீடுகள் முழுவதுமாகவோ, பகுதியாகவோ சேதமடைந்தன.

அதிகபட்சமாக, கடந்த 16-ஆம் தேதி முதல் 21-ஆம் தேதிவரை கனமழைக்கு அதிக உயிரிழப்புகள் ஏற்பட்டன. அந்த 5 நாள்களில் மட்டும் வெள்ளத்தில் சிக்கி 63 போ் உயிரிழந்தனா்.

இது தவிர, மேலும் 30 பேரைக் காணவில்லை. மழை, வெள்ளம் காரணமாக 13 மாகாணங்களில் 8,200 குடும்பங்கள் பாதிக்கப்பட்டுள்ளதாக ஐ.நா. நிவாரண உதவிகள் விவகாரப் பிரிவு தெரிவித்துள்ளது.