ரஷியாவில் முதல் குரங்கு அம்மை நோய் பாதிப்பு உறுதிசெய்யப்பட்டுள்ளது.
உலகம் முழுவதும் குரங்கு அம்மையால் பாதிக்கப்படுபவர்களின் எண்ணிக்கை தொடர்ந்து அதிகரித்து வருகிறது. குறிப்பாக, ஐரோப்பிய நாடுகளில் தொற்று பரவி வரும் வேளையில் இன்று ரஷியாவில் குரங்கு அம்மையால் பாதிக்கப்பட்ட முதல் நபர் கண்டறியப்பட்டுள்ளார். இவர், கடந்த சில வாரங்களாக ஐரோப்பிய நாடுகளில் பயணம் செய்துவிட்டு திரும்பியவர் என்றும் தகவல் வெளியாகியுள்ளது.
முன்னதாக, புதிதாக குரங்கு அம்மை உறுதி செய்யப்படுவோரின் வாராந்திர எண்ணிக்கை 77 சதவீதம் அதிகரித்துள்ளதாகவும் , உலகம் முழுவும் குரங்கு அம்மையால் பாதிக்கப்பட்டவா்களின் எண்ணிக்கை 6 ஆயிரத்தைக் கடந்துள்ளது என்றும் உலக சுகாதார அமைப்பு தெரிவித்திருந்தது.
புதிதாக குரங்கு அம்மை நோய்த்தொற்று உறுதி செய்யப்பட்டோரில் பெரும்பான்மையானவா்கள் ஐரோப்பா மற்றும் ஆப்பிரிக்காவைச் சோ்ந்தவா்கள் ஆவா் என்பது குறிப்பிடத்தக்கது.