சூரியனின் நிலை: நாசா வெளியிட்ட அதிர்ச்சி புகைப்படம்

எரிமலைக் குழம்புகளில் பந்து செய்ததுபோல் இருக்கும் சூரியனின் அதிர்ச்சியான புகைப்படத்தை நாசா வெளியிட்டுள்ளது.

விண்வெளியில் தொடர்ந்து ஆய்வுகளைச் செய்து வரும் நாசா கடந்த சில வாரங்களாக சூரியனிலிருந்து அதிகப்படியாக கதிர்கள் வெளியாவதாகவும் அதில் வெளிப்படும் வெப்பத்தின் அளவும் அதிகரித்திருப்பதாகத் தெரிவித்து சூரியனின் புதிய புகைப்படத்தை வெளியிட்டுள்ளது.

அதில் சூரியனிலிருந்து வெளியாகும் நெருப்புப் பிளம்புகளின் அளவு அதிகரித்துக் காணப்படுகிறது.

மேலும், தற்போது இந்தப் பிளம்புகளால்  வெளியாகும் அதிகப்படியான கதிர்களால் மனிதர்களுக்கு எவ்வித பாதிப்பும் ஏற்படாது என்றும் ஒருவேளை நேரடியாக பூமிக்கு அக்கதிர்கள் வந்தால் ரேடியோ தகவல்தொடர்புகள், சர்வதேச விண்வெளி நிலையத்தில் உள்ள விண்கலன்கள் மற்றும் விண்வெளி வீரர்களுக்கு பாதிப்பை ஏற்படுத்தலாம் என நாசா தெரிவித்துள்ளது.