ராஃபாவின் உள்புறங்களில் இஸ்ரேல் ராணுவம்!

ராஃபாவின் உள்புறப் பகுதிகள் வரை இஸ்ரேல் ராணுவம் ஊடுருவியுள்ளதாக களத்திலிருந்து பெறப்படுகிற தகவல்கள் தெரிவிக்கின்றன.

நகரின் கிழக்குப் பகுதியில் இருந்து இஸ்ரேல் டாங்கிகள் மேற்கு நோக்கி முன்னேறி வருவதாக தெரிகிறது. இஸ்ரேல் ராணுவம் இது குறித்து எந்தவித கருத்தும் தெரிவிக்கவில்லை.

10 லட்சத்துக்கும் அதிகமான மக்கள் புகலிடம் அடைந்துள்ள ராஃபாவில் இஸ்ரேல் ராணுவ நடவடிக்கைகளை விரிவாக்குவதை அமெரிக்கா கண்டித்துள்ளது.

ராஃபாவின் கிழக்கு எல்லைப்புறத்தில் கடந்த வாரம் இஸ்ரேல் முன்னேற தொடங்கியது முதல் 4.5 லட்சத்துக்கும் அதிகமான மக்கள் அங்கிருந்து இடம்பெயர்ந்துள்ளதாக ஐநா தெரிவித்துள்ளது.

ராஃபாவுக்குள் நுழைந்த இஸ்ரேல் படைகளின் வாகனங்களை செவ்வாய்க்கிழமை தங்கள் வீரர்கள் தாக்கியதாக ஹமாஸ் அறிவித்தது. காயமுற்ற ராணுவ வீரர்களை மீட்க அல்-சலாம் பகுதில் மீட்பு ஹெலிகாப்டர்கள் வந்ததாகவும் தெரிவிக்கப்படுகிறது.