விண்வெளிக்குச் செல்லும் பிரபல பாடகி! யார் தெரியுமா?

பிரபலப் பாடகியாக கேட்டி பெர்ரி மற்றும் 2 பெண் செய்தியாளர்கள் குழுவினர் அமேசான் நிறுவனர் ஜெஃப் பெசோஸ் விண்கலம் மூலமாக விண்வெளிப் பயணம் மேற்கொள்ளவுள்ளனர்.

ஹாலிவுட் மட்டுமின்றி இந்தியாவிலும் மிகப் புகழ்பெற்ற பாடகியான கேட்டி பெர்ரி புளூ ஆரிஜினின் என்எஸ்-31 திட்டத்தின் மூலம் புதிய வரலாறு ஒன்றைப் படைக்கவுள்ளார்.

அந்தத் திட்டத்தின் மூலம் 1963 ஆம் ஆண்டு விண்வெளிக்குச் சென்ற வலண்டீனா தெரெஸ்க்கோவாவுக்கு பின்னர் பெண்கள் மட்டும் அடங்கிய ஒரு குழுவினர் விண்வெளிக்குப் பயணம் மேற்கொள்ளவிருக்கின்றனர். இவர்கள் நியூ ஷெபர்ட் விண்கலம் மூலமாக வருகிற செப்டம்பர் மாதத்தில் விண்வெளிக்குச் செல்லவுள்ளனர்.

இதையும் படிக்க: ஜப்பான்: 9-ஆவது ஆண்டாக சரிந்த பிறப்பு விகிதம்

இதுபற்றி கேட்டி பெர்ரி கூறுகையில், “எனது பயணம் எனது மகளையும் மற்றவர்களையும், நட்சத்திரங்களை எட்ட ஊக்குவிக்கும் என்று நம்புகிறேன்” எனத் தெரிவித்துள்ளார்.

இந்தத் திட்டத்துக்கு ஜெஃப் பெசோஸின் வருங்கால மனைவியும் மூத்த செய்தி நிருபருமான லாரன் சான்செஸ் தலைமை தாங்குவார் எனத் தெரிவிக்கப்பட்டுள்ளது.

மேலும், இவருடன் கேட்டி பெர்ரி, சிபிஎஸ் தொகுப்பாளர் கெய்ல் கிங், மனித உரிமைகள் ஆர்வலர் அமண்டா நுயென், திரைப்பட தயாரிப்பாளர் கெரியான் ஃப்ளைன் மற்றும் முன்னாள் நாசா விஞ்ஞானி ஆயிஷா போவ் உள்ளிட்ட முக்கிய நபர்களும் இணைந்துள்ளனர்.

இந்த விண்கலம் மூலம் ஊடகம், அறிவியல், கலை உள்பட பல்வேறு துறைகளைச் சார்ந்த பெண்கள் விண்வெளி வீராங்கனைகளாகப் பயணிக்க இருப்பது குறிப்பிடத்தக்கது.

இதையும் படிக்க: மனிதர்களுக்கு எச்சரிக்கை விடுக்கிறதா இயற்கை? கடலின் விநோத நிகழ்வுகளால் குழப்பம்!