சீன ஏஐ நிறுவனத்தால் அமெரிக்க பங்குச் சந்தையில் கடும் வீழ்ச்சி!

சீனாவின் முன்னணி தொழில்நுட்ப நிறுவனமான டீப்சீக், செயற்கை நுண்ணறிவு துறையில் (ஏஐ) மிகப்பெரிய வளர்ச்சியைக் கண்டுவருவதன் எதிரொலியாக அமெரிக்க பங்குச் சந்தையில் கடும் வீழ்ச்சி ஏற்பட்டுள்ளது.

அமெரிக்க பங்குச் சந்தையில் இன்று சந்தித்த மிகப்பெரிய சரிவால், முதலீட்டாளர்கள் 82,000 கோடி ரூபாய் வரை நட்டம் அடைந்திருப்பதாகக் கூறப்படுகிறது.

சீனாவின் டீப்சீக் நிறுவனத்தின் வளர்ச்சியால், அமெரிக்காவின் மிக முன்னணி தொழில்நுட்ப நிறுவனமான என்விடியாவின் பங்குகள் 17 சதவீத சரிவைச் சந்தித்துள்ளது. இது 560 பில்லியன் என்று கூறப்படுகிறது.

அமெரிக்க பங்குச் சந்தை, இன்று காலை வணிகம் தொடங்கியதும், என்விடியா பங்குகள் சரிவைக் கண்ட நிலையில், பங்குச் சந்தையும் சரிவுடன் வணிகமானது.

சீனாவின் முன்னணி தொழில்நுட்ப நிறுவனமான டீப்சீக் தயாரித்த ஏஐ, செயற்கை நுண்ணறிவான சாட் ஜிபிடி, கூகுளின் ஜெமினி ஆகியவற்றை விடவும் சிறந்து செயல்படுவதாகவும், சீன நிறுவனம் விலை மலைவான ஏஐ சேவையை வழங்குவதும், புதிய போட்டியை ஏற்படுத்தியிருக்கிறது. இதன் காரணமாகவே அமெரிக்காவின் தகவல் தொழில்நுட்ப நிறுவனங்களின் பங்குகள் வீழ்ச்சியடைந்ததால் நாஸ்டாக் 5 சதவீத சரிவை சந்தித்துள்ளது.

என்விடியா கார்ப். பங்குகள் 12 சதவீத சரிவுடன் வணிகத்தைத் தொடங்கியது. டெல் டெக்னாலஜிஸ் 7.2 சதவீதமும் சூப்பர் மைக்ரோ கம்ப்யூட்டர் 8.9 சதவீதமும் சரிவை சந்தித்தன.

அது மட்டுமல்லாமல், ஏஐ துறையில் இருக்கும் மைக்ரோசாஃப்ட், மெட்டா பிளாட்பார்ம்ஸ், ஆல்பபெட் ஆகிய தொழில்நுட்ப நிறுவனங்களின் பங்குகளும் 2.2 சதவீதம் முதல் 3.5 சதவீதம் வரை சரிவைக் கண்டன.

சீன தொடக்க நிறுவனமான டீப்சீக்கின் மலிவான செய்யறிவு தொழில்நுட்பமானது, அதே தொழில்நுட்பத்தை மேம்படுத்துவதற்காக பல கோடி ரூபாய் கணக்கில், அமெரிக்க தொழில்நுட்ப நிறுவனங்களுக்கு முதலீடு செய்வது தொடர்பான முதலீட்டாளர்களின் முடிவை ஆய்வு செய்ய வைத்துள்ளது. மேலும் முதலீட்டாளர்களின் இந்த ஆய்வானது இந்த வாரத்தின் மிகவும் எதிர்பார்க்கப்பட்ட தொழில்துறை முதலீடுகளின் முடிவுகளில் ஆதிக்கம் செலுத்தும் என்று எதிர்பார்க்கப்படுகிறது.

என்விடியாவின் குறைந்த-மேம்பட்ட எச்800 சிப்களைப் பயன்படுத்தி ஏஐ மாதிரியை உருவாக்க இரண்டு மாதங்கள் மற்றும் ஆறு டாலர் மில்லியனுக்கும் குறைவாகவே செலவாகும் என்று டீப்சீக் கூறியுள்ளது. வி3 மாடலால் இயக்கப்படும் ஒரு செயலி திங்கள்கிழமை அமெரிக்காவில் உள்ள ஐஃபோன்களில் சிறப்பாக பதிவிறக்கம் ஆனது.

2023-ஆம் ஆண்டு நிறுவப்பட்ட தொழில்முனைவோருக்கான நிறுவனமான டீப்சீக், அதன் ஏஐ மாதிரிகள் விலையுடன் ஒப்பிட்டாலும், அமெரிக்காவின் சிறந்த தொழில்நுட்ப நிறுவனங்களைக் காட்டிலும் மலிவாகவும், சிறப்பாக செயல்படுவதாகவும் கூறுகிறது. அது மட்டுமல்லாமல் செயற்கை நுண்ணறிவைப் பயன்படுத்துவதற்கு மிக அதிகத் திறன்கொண்ட கணினி மற்றும் முதலீடு தேவை என்ற விஷயத்துக்கும் சீன நிறுவனம் சவால் விடுகிறது.