புத்த பூர்ணிமா: இன்று இறைச்சி விற்கத் தடை

புத்த பூர்ணிமாவை முன்னிட்டு, பெங்களூரில் திங்கள்கிழமை இறைச்சி விற்க மாநகராட்சி நிர்வாகம் தடை விதித்துள்ளது.
இதுகுறித்து பெங்களூரு மாநகராட்சி வெளியிட்ட உத்தரவு: கர்நாடகத்தில் திங்கள்கிழமை (ஏப்.30) புத்த பூர்ணிமா கொண்டாடப்படுகிறது. இதையொட்டி, விலங்குகள் வதை தடைச் சட்டத்தின்கீழ் பெங்களூரு மாநகராட்சிக்குள்பட்ட பகுதிகளில் ஏப்.30-ஆம் தேதி விலங்குகளை துன்புறுத்தவும், அதன் இறைச்சியை விற்கவும் தடைவிதிக்கப்பட்டுள்ளது. 
இந்த உத்தரவை மீறுவோர் மீது கடும் சட்ட நடவடிக்கை எடுக்கப்படும். எனவே, இறைச்சி விற்க விதிக்கப்பட்டுள்ள தடையை அனைவரும் கண்டிப்பாக கடைப்பிடிக்க வேண்டும் என்று அதில் கூறப்பட்டுள்ளது.