பட்டய மாணவர் பொது நுழைவுத்தேர்வு: விடைகள் வெளியீடு

பட்டய மாணவர்கள் பொறியியல் கல்லூரியில் சேர நடத்தப்பட்ட பொது நுழைவுத் தேர்வுக்கான  விடைகள் வெளியிடப்பட்டுள்ளன.
இது குறித்து கர்நாடக தேர்வு ஆணையம் வெளியிட்டுள்ள செய்திக் குறிப்பு: பட்டயப் படிப்பு படித்த மாணவர்கள் பொறியியல் கல்லூரியில் 2-ஆவது அல்லது 3-ஆவது செமஸ்டரில் சேர்க்கை பெற தகுதியானவர்களைத் தேர்ந்தெடுப்பதற்கான பொது நுழைவுத் தேர்வு ஜூலை 15-ஆம் தேதி நடந்தது.
இந்தத் தேர்வில் இடம் பெற்ற வினாக்களுக்கான விடைகள் மாணவர்கள் சரிபார்த்துக் கொள்வதற்காக w‌w‌w.‌k‌e​a.‌k​a‌r.‌n‌i​c.in என்ற இணையதளத்தில் வெளியிடப்பட்டுள்ளது. இதில் தவறு ஏதுமிருந்தால், அதுகுறித்து ஜூலை 24-ஆம் தேதி மாலை 5.30 மணிக்குள் பெற்றோர், மாணவர்கள் ஆட்சேபணைகளை  ‌k‌e​a‌u‌t‌h‌o‌r‌i‌t‌y-‌k​a@‌n‌i​c.‌i‌n என்ற மின்னஞ்சலுக்கு விளக்கங்களுடன் அனுப்பலாம். 
ஆட்சேபணைகளைத் தெரிவிக்கும்போது பாடம், வினாத்தாள் வகை, வினா எண்களை தெளிவாக குறிப்பிடுமாறு கேட்டுக் கொள்கிறோம். சரியான விளக்கம் அளிக்காத ஆட்சேபணைகள் நிராகரிக்கப்படும் என்று அதில் கூறப்பட்டுள்ளது.