கல்வி உரிமைச் சட்டம்:  2.28 லட்சம்  விண்ணப்பங்கள் பதிவேற்றம்

கல்வி உரிமைச் சட்டத்தின் கீழ் தனியார் பள்ளிகளில் சேர்க்கை பெற 2,28,788 விண்ணப்பங்கள் இணையதளத்தில் பதிவேற்றம் செய்யப்பட்டுள்ளது.
இதுகுறித்து பள்ளிக் கல்வித் துறை வெளியிட்ட செய்திக் குறிப்பு: 2018-19-ஆம் கல்வியாண்டில் கர்நாடகத்தில் உள்ள தனியார் பள்ளிகளில் மாணவர் சேர்க்கை பெறுவதற்கான விண்ணப்பங்களை இணையதளம் மூலம் பிப்.20-ஆம் தேதி முதல் பெறப்பட்டு வருகிறது.
மார்ச் 28-ஆம் தேதி வரை விண்ணப்பங்களைச் செலுத்த வாய்ப்பளிக்கப்பட்டிருந்தது. விண்ணப்பிக்க கடைசி நாளான புதன்கிழமை மாலை 5.30 மணி நிலவரப்படி 2,28,788 விண்ணப்பங்கள் இணையதளத்தில் பதிவேற்றம் செய்யப்பட்டுள்ளன என அதில் தெரிவிக்கப்பட்டுள்ளது.