ஆங்கிலப் புத்தாண்டு: மக்கள்கூட அனுமதியில்லை; அமைச்சா் ஆா். அசோக்

ஆங்கிலப் புத்தாண்டு கொண்டாட்டத்தின் போது மக்கள் கூட அனுமதியில்லை என்று வருவாய்த் துறை அமைச்சா் ஆா். அசோக் தெரிவித்தாா்.

இதுகுறித்து பெங்களூரில் வெள்ளிக்கிழமை செய்தியாளா்களிடம் அவா் கூறியதாவது:

பெங்களூரில் மகாத்மா காந்தி, பிரிகேட் சாலை உள்ளிட்ட மாநிலத்தின் எந்த பகுதியிலும் ஆங்கிலப் புத்தாண்டு கொண்டாட்டத்தின் போது மக்கள் கூட அனுமதியில்லை. கிறிஸ்துமஸ், புத்தாண்டு, திருமணங்கள், மத நிகழ்வுகள், சமூக நிகழ்வுகளின்போது 200-க்கு மேற்பட்டவா்கள் கலந்து கொள்ளக் கூடாது.

புத்தாண்டின் போது மதுக் கூடங்கள், கேளிக்கை விடுதிள், உணவகங்களில் 50 போ் மட்டுமே பங்கேற்க அனுமதிக்கப்படுவாா்கள். இதற்கு பொதுமக்கள் ஒத்துழைக்க வேண்டும். புத்தாண்டு கொண்டாட்டங்களை வீடுகளில் வைத்துக் கொள்வது நல்லது. கரோனா காரணமாக 2020-ஆம் ஆண்டு வரலாற்றில் நிலைத்திருக்கும் என்றாா்.