பாஜகவில் புதிய குழப்பங்களுக்கு வழிவகுக்கும் அமைச்சரவை விரிவாக்கம்!

பெங்களூரு: கா்நாடக அமைச்சரவை விரிவாக்கம் பாஜக நிா்வாகிகளிடையே அரசியல் புதுவெள்ளத்தை பாய்ச்சும் என்பதைவிட அதிருப்தியை உருவாக்க அதிகம் வாய்ப்புள்ளதாக அரசியல் நோக்கா்கள் கருதுகின்றனா்.

கா்நாடக சட்டப்பேரவைத் தோ்தலில் 104 இடங்களில் வென்றிருந்தும், அறுதிப்பெரும்பான்மை பலம் பெறுவதற்கு 113 இடங்கள் இல்லாததால் அவசரகதியில் முதல்வராகப் பதவியேற்றிருந்த எடியூரப்பா, தனது ஆட்சிக்கனவை இழந்திருந்தாா். இதைத் தொடா்ந்து, எச்.டி.குமாரசாமி தலைமையில் மஜத மற்றும் காங்கிரஸ் கூட்டணி ஆட்சி அமைந்தது.

கூட்டணி ஆட்சியைக் கவிழ்க்க அப்போதைய பாஜக மாநிலத் தலைவரான எடியூரப்பா, 7 முறைகள் முயற்சித்து தோல்வி அடைந்தாா். இதைத் தொடா்ந்து, ஆட்சிக் கவிழ்ப்பை திட்டமிட்டு செயல்படுத்த முற்பட்ட எடியூரப்பா, அதற்காக காங்கிரஸ் கட்சியில் அதிருப்தி அடைந்திருந்த முன்னாள் அமைச்சா் ரமேஷ்

ஜாா்கிஹோளியை அணுகினாா். ரமேஷ் ஜாா்கிஹோளி தலைமையில் ஒன்றுதிரண்ட 17 காங்கிரஸ், மஜத எம்எல்ஏக்கள் கூட்டாக தங்கள் பதவியை ராஜிநாமா செய்ததைத் தொடா்ந்து, குமாரசாமி தலைமையிலான கூட்டணி அரசு கவிழ்ந்தது.

பாஜக ஆட்சி: இதைத் தொடா்ந்து, 2019ஆம் ஆண்டு ஜூலை 26ஆம் தேதிமுதல்வா் எடியூரப்பா தலைமையில் பாஜக ஆட்சி அமைந்தது. 34 போ் கொண்ட அமைச்சரவையில் முதல்வா் எடியூரப்பா உள்ளிட்ட 18 போ் அங்கம் வகித்தனா். 16 அமைச்சா் பதவிகள் காலியாக விடப்பட்டன. ரோஷன்பெய்க் நீங்கலாக, காங்கிரஸ் கட்சியில் இருந்து விலகிய ரமேஷ் ஜாா்கிஹோளி, பிரதாப்கௌடா, பி.சி.பாட்டீல், சிவராம்ஹெப்பாா், எஸ்.டி.சோமசேகா், பைரதி பசவராஜ், ஆனந்த்சிங், என்.முனிரத்னா, கே.சுதாகா், எம்.டி.பி.நாகராஜ், ஸ்ரீமந்த்பாட்டீல், ரமேஷ் ஜாா்கிஹோளி, மகேஷ்குமட்டஹள்ளி, ஆா்.சங்கா், மஜதவில் இருந்து விலகிய கே.கோபாலையா, ஏ.எச்.விஸ்வநாத், கே.சி.நாராயணகௌடா ஆகிய 16 பேருக்காகவும் அமைச்சா் பதவி காலியாக விடப்பட்டுள்ளதாக கூறப்பட்டது.

அமைச்சா் பதவி தரவில்லை என்பதால்தான் பெரும்பாலானோா் காங்கிரஸ், மஜதவில் இருந்து விலகி பாஜகவில் இணைந்திருந்தனா். அமைச்சா் பதவி காலியாக வைக்கப்பட்டது, காங்கிரஸ், மஜதவிலிருந்து விலகி பாஜகவில் இணைந்தோரின் நம்பிக்கையை அதிகமாக்கியது.

எடியூரப்பா வாக்குறுதி: பாஜக ஆட்சிஅமைவதற்கு காரணமாக இருந்த 17 பேருக்கும் அமைச்சா் பதவி வழங்கப்படும் என்று முதல்வா் எடியூரப்பா பகிரங்கமாக அறிவித்திருந்தாா். ஆனாலும் கடைசிநேரத்தில் ரோஷன்பெய்க் பாஜகவில் சோ்த்துக்கொள்ளப்படவில்லை. எஞ்சிய 16 பேரில் ஆா்.சங்கருக்கு இடைத் தோ்தலில் போட்டியிட வாய்ப்பளிக்கப்படவில்லை. எம்எல்சி பதவியை அளித்து அமைச்சா் பதவியை வழங்குவதாக ஆா்.சங்கருக்கு உறுதி அளிக்கப்பட்டது.

மஸ்கி, ராஜராஜேஸ்வா்நகா் தொகுதிகளுக்கு இடைத் தோ்தல் நடக்காததால், எஞ்சியிருந்த 13 பேருக்கு இடைத் தோ்தலில் போட்டியிட வாய்ப்பளிக்கப்பட்டது. அந்த 13 பேரின் தொகுதிகளில் தீவிர தோ்தல் பிரசாரத்தில் ஈடுபட்ட முதல்வா் எடியூரப்பா, ‘இடைத்தோ்தல் முடிவுகள் வெளியான 24 மணி நேரத்தில் அனைவரும் அமைச்சா்களாக்கப்படுவாா்கள். நீங்கள் அளிக்கும் வாக்கு அமைச்சராவதற்கு தருகிறீா்கள்‘ என்று கூறியிருந்தாா். இது தோ்தல் போக்கையே மாற்றியமைத்தது. தங்கள் தொகுதி எம்எல்ஏ அமைச்சராவாா் என்ற எதிா்பாா்ப்பில் மக்களும் வாக்களித்தனா்.

இவா்கள் 13 பேரில் எச்.விஸ்வநாத், எம்.டி.பி.நாகராஜ் இருவரும் தோல்வி அடைந்துவிட்டனா். இடைத் தோ்தலில் தோல்வி அடைந்தாலும், ஆா்.சங்கரைபோல தங்களை எம்எல்சி ஆக்கி அமைச்சராக்கிவிடுவாா்கள் என்று எச்.விஸ்வநாத்தும், எம்.டி.பி.நாகராஜும் நம்பிக்கையில் இருந்தனா். ஆனால், இடைத் தோ்தலுக்கு பிறகு பாஜகவின் நிலைப்பாட்டில் மாற்றம் ஏற்பட்டுவிட்டது.

அதிா்ச்சி: இடைத்தோ்தலில் தோல்வி அடைந்திருந்த எம்.டி.பி.நாகராஜ், எச்.விஸ்வநாத் ஆகியோரை சந்தித்த முதல்வா் எடியூரப்பா, அமைச்சராக்கும் தனது வாக்குறுதியில் இருந்து பின்வாங்கமாட்டேன் என்று கூறியிருந்தாா். சில நாட்களுக்கு பிறகு பேசிய முதல்வா் எடியூரப்பா, தனது கருத்தை மாற்றி, ‘இடைத் தோ்தலில் வென்ற 11 பேருக்கு மட்டுமே அமைச்சா் பதவி வழங்கப்படும்‘ என்றாா். இது எச்.விஸ்வநாத், எம்.டி.பி.நாகராஜ் இடையே அதிா்ச்சியை ஏற்படுத்தியது. ஆனாலும், ‘கொடுத்தவாக்குறுதியை முதல்வா் எடியூரப்பா காப்பாற்றுவாா்‘ என்று இருவரும் நம்பிக்கையுடன் கூறினா்.

டிச.9ஆம் தேதி இடைத்தோ்தல் முடிவுகள் அறிவிக்கப்பட்டாலும், அமைச்சரவையை விரிவாக்கும் திட்டம் தாமதமாகிக்கொண்டே வந்தது. அமைச்சரவை விரிவாக்கம் குறித்து விவாதிக்க தில்லிக்கு வரவிருப்பம் தெரிவித்திருந்தபோதும், அவரை சந்திக்க பிரதமா் மோடி, மத்திய அமைச்சா் அமித்ஷா இருவரும் நேரம் ஒதுக்கிதரவில்லை. பிரதமா் மோடியும், அமித்ஷாவும் கா்நாடகத்துக்கு வந்திருந்தபோதும், அமைச்சரவை விரிவாக்கம் குறித்து விவாதிக்க நேரம் ஒதுக்கவில்லை. இது பாஜகவில் புதிதாக சோ்ந்து வென்றிருந்த எம்எல்ஏக்களிடையே அதிா்ச்சியையும், அதிருப்தியையும் ஏற்படுத்தியது.

இதனிடையே, இந்த எம்எல்ஏக்களிடையே கருத்துமோதலை உருவாக்க திட்டமிட்ட பாஜக, அமைச்சரவை விரிவாக்கத்தில் 11க்கு பதிலாக 6 அல்லது 9 பேருக்கு மட்டுமே வாய்ப்பளிக்கப்படும் என்று கூறியது. தங்கள் அரசியல் வாழ்க்கையை தக்கவைத்துக்கொள்ள முற்பட்ட 11 எம்எல்ஏக்களின் முகாமில் விரிசல் ஏற்பட தொடங்கியது. அதுவரை கூட்டாக சென்று முதல்வா் எடியூரப்பாவைச் சந்தித்துவந்த 16 பேரும் தனித்தனியாக சந்திக்க தொடங்கியதோடு, இடைத்தோ்தலில் தோற்ற எச்.விஸ்வநாத், எம்.டி.பி.நாகராஜூக்கு அமைச்சா் பதவி தருவது சரியல்ல என்று கருத்து தெரிவித்தனா்.

அமைச்சா் பதவியை பெறப்போகும் 6 பேரில் தான் ஒருவராக இருக்கவேண்டுமென்பதில் கவனமாக செயல்பட்டனா். புதிய எம்எல்ஏக்களின் ஒற்றுமையை சீா்குலைப்பதில் வென்ற பாஜக, இதற்காகவே அமைச்சரவை விரிவாக்கத்தை தள்ளிப்போட்டது போல நடந்து கொண்டது.

பாஜகவில் குழப்பம்: அமைச்சரவையை ஒருசிலா் மட்டுமே அனுபவித்துவருவதாக பாஜக எம்எல்ஏக்களிடையே கருத்து நிலவிவருகிறது. புதியவா்களுக்கு அமைச்சா் பதவி வழங்குவதற்காக தற்போது அமைச்சரவையில் அங்கம்வகிக்கும் சிலரை கைவிடவேண்டுமென்று பாஜக எம்எல்ஏ பசனகௌடாபாட்டீல் யத்னல் உள்ளிட்டோா் வெளிப்படையாகவே பேச ஆரம்பித்துள்ளனா். ‘நான் முதல்வராகும் தகுதியுடையவன். எனக்கு அமைச்சா் பதவி தராவிட்டால், அதனால் ஏற்படும் விளைவுகளை சந்திக்க நேரிடும்‘ என்று பாஜக எம்எல்ஏ உமேஷ்கத்தி பகிரங்கமாக பேட்டி அளித்தாா்.

முருகேஷ் நிரானிக்கு அமைச்சா் பதவி தராவிட்டால், லிங்காயத்து சமுதாயத்தினரின் ஆதரவை இழக்க நேரிடும் என்று வசானானந்த சுவாமிகள், முதல்வா் எடியூரப்பாவை வைத்துக்கொண்டே மேடையில் பேசினாா். துணை முதல்வா் பதவியை குறித்துவைத்து பாஜக அமைச்சா் ஸ்ரீராமுலு காய்நகா்த்தி வருகிறாா். ரமேஷ் ஜாா்கிஹோளியும் தனக்கு துணைமுதல்வா் பதவி வேண்டுமென்று வலியுறுத்துகிறாா்.

விரிவாக்கமா? திருத்தியமைப்பா?: அமைச்சரவையை விரிவாக்குவது அவ்வளவு எளிதானதல்ல என்பதை முதல்வா் எடியூரப்பா மட்டுமல்லாது, பாஜக தேசியத் தலைமையும் அறிந்திருக்கிறது. அமைச்சரவை விரிவாக்கம் தாமதமடைவதை எதிா்க்கட்சியான காங்கிரஸ் விமா்சிக்க தொடங்கியுள்ளதால், அமைச்சரவையை விரிவாக்க பாஜக திட்டமிட்டுவருகிறது. 18போ் கொண்டதற்போதைய அமைச்சரவையில் முதல்வா் உள்பட லிங்காயத்து சமுதாயத்தவா் 8 அமைச்சா்கள் உள்ளன. இவா்களை தவிர, 3 போ் ஒக்கலிகா், 3 போ் தாழ்த்தப்பட்டோா், 2 போ் பிற்படுத்தப்பட்டோா், 1 பழங்குடியினா், 1 பிராமணா் வகுப்பை சோ்ந்தவா்கள் அங்கம் வகிக்கிறாா்கள்.

இடைத் தோ்தலில் வென்றோரில் 3 போ் லிங்காயத்து, 4 போ் ஒக்கலிகா், ஒரு குருபா வகுப்பை சோ்ந்தவா்கள் இருக்கிறாா்கள். லிங்காயத்து சமுதாயத்தை சோ்ந்த உமேஷ்கத்திக்கும் அமைச்சா் பதவி தரப்படும் என்று முதல்வா் எடியூரப்பா அறிவித்துள்ளதால், அமைச்சரவை விரிவாக்கத்துக்கு பிறகு லிங்காயத்துகளின் எண்ணிக்கை 12, ஒக்கலிகா்களின் எண்ணிக்கை 7 ஆகவும் உயரும்.

அமைச்சரவையில் அதிகபட்சமாக பெங்களூரில் இருந்து 4 போ், பெலகாவி, சிவமொக்காவில் இருந்து தலா 2 போ் உள்ளனா். அமைச்சரவையை விரிவாக்கினால், பெங்களூருக்கு கூடுதலாக 3, பெலகாவிக்குகூடுதலாக 4 கிடைக்கும். இதன்மூலம் அனைத்துபகுதிகளுக்கும் அமைச்சா் பதவியை வழங்க இயலாதநிலை ஏற்படும். அமைச்சரவை விரிவாக்கம் செய்யப்பட்டாலோ,மாற்றி அமைக்கப்பட்டாலோ, பாஜகவில் ஏற்பட்டுள்ள குழப்பத்திற்கு தீா்வாக இல்லாமல், முடிந்தும் முடியாத புதிய குழப்பங்களுக்கே வழிவகுக்கும் என்று அரசியல் நோக்கா்கள் கருதுகிறாா்கள்.