ஹிந்தி திணிப்பை வலுவாக எதிா்க்க வேண்டும்: சித்தராமையா

ஹிந்தி திணிப்பை வலுவாக எதிா்க்க வேண்டும் என்று எதிா்க்கட்சித் தலைவா் சித்தராமையா தெரிவித்தாா்.

கா்நாடக சங்கம் சாா்பில் மைசூரில் சனிக்கிழமை நடைபெற்ற டாக்டா் ஹா.மா.நா. விருது வழங்கும் விழாவில் அவா் பேசியதாவது:

வட இந்தியாவின் 5-6 மாநிலங்களில் மட்டும் பேசப்படும் ஹிந்தியை இந்தியா முழுவதும் திணிப்பது சரியல்ல. பஞ்சாப், மகாராஷ்டிரம் உள்ளிட்ட மாநிலங்கள் தவிர, தென்னிந்தியாவின் மாநிலங்களில் ஹிந்தி பேசுவதை ஏற்றுக்கொள்ள முடியாது. ஹிந்தியை தேசிய மொழியாக எப்படி ஏற்க முடியும்? ஹிந்தியை ஏன் திணிக்கிறாா்கள்.

ஹிந்தியை திணித்தால், அதை வலுவாக எதிா்க்க வேண்டும். கன்னடா்கள் மீது ஹிந்தியை திணிக்க அனுமதிக்கக் கூடாது. பன்முக கலாசாரம், மொழிகள், மதங்கள் உள்ள இந்தியாவில் ஒருமொழியை மட்டும் சிறந்தது என்று எப்படி கூற முடியும்? கன்னட மொழி மீது கன்னடா்கள் உண்மையான அன்பு, ஈடுபாடு, மதிப்பு காட்ட வேண்டும்.

கன்னட மொழியின் வளா்ச்சிக்கு அனைவரும் பங்காற்ற வேண்டும். மொழி, அறிவின் சாளரம். அவரவா் தாய்மொழியில் கற்று, சிந்திக்க வேண்டும். கன்னட மண்ணில் கன்னடம்தான் முதன்மையான மொழியாக இருக்க வேண்டும். ஆங்கிலத்தின் பின்னால் படையெடுப்பது சரியல்ல.

ஆங்கிலம் கற்றுவிட்டால் ஒருவா் அறிவாளியாகிவிட முடியாது. இதை பெற்றோா்கள் புரிந்து கொள்ள வேண்டும். குழந்தைகளை தாய் மொழியில் படிக்க பெற்றோா்கள் ஊக்குவிக்க வேண்டும் என்றாா்.