சில மெட்ரோ ரயில் நிலையங்களில் ரயில்சேவை தற்காலிகமாக நிறுத்தம்

சில மெட்ரோ ரயில்நிலையங்களில் ரயில்சேவை தற்காலிகமாக நிறுத்தப்படுகிறது.

இதுகுறித்து பெங்களூரு மெட்ரோ ரயில்கழகம் வெளியிட்டுள்ள செய்திக் குறிப்பு:

பெங்களூரு மெட்ரோ ரயில்கழகத்தின் சாா்பில் பெங்களூரின் வடக்கு-தெற்கு பகுதியில் பச்சை வழித்தடம் மற்றும் கிழக்கு-மேற்கு பகுதியில் ஊதா வழித்தடத்தை இயக்கி வருகிறது. பச்சை வழித்தடத்தில் பனசங்கரி முதல் ஜெயபிரகாஷ் நகா் மெட்ரோ ரயில் நிலையங்கள் வரையிலான பாதையில் ஜன. 10-ஆம் தேதி காலை 7 மணி முதல் காலை 9 மணி வரை அவசரகதியில் பராமரிப்புப் பணி செய்யவேண்டியுள்ளது.

இதன் காரணமாக, இந்த காலக்கட்டத்தில் நேஷனல் கல்லூரி முதல் எல்சேனஹள்ளி வரையிலான மெட்ரோ ரயில் நிலையங்களில் ஜன.10-ஆம் தேதி காலை 7 மணி முதல் காலை 9 மணி வரை ரயில்சேவை தற்காலிகமாக நிறுத்தப்படுகிறது. இந்த காலக்கட்டத்தில், பச்சை வழித்தடத்தில் நாகசந்திரா ரயில்நிலையம் முதல் நேஷனல் கல்லூரி ரயில் நிலையம் வரை மட்டுமே மெட்ரோ ரயில்கள் இயக்கப்படும். பச்சை வழித்தடத்தின் அனைத்து ரயில் நிலையங்களிலும் ஜன. 10-ஆம் தேதி காலை 9 மணி முதல் வழக்கம்போல ரயில்கள் இயக்கப்படும். இதுதவிர, ஊதா வழித்தடத்தின் ரயில்சேவையில் எந்த மாற்றமும் இருக்காது என அதில் தெரிவிக்கப்பட்டுள்ளது.