இன்று கா்நாடக பட்ஜெட் தாக்கல்

 கா்நாடக சட்டப்பேரவையில் வெள்ளிக்கிழமை (மாா்ச் 4) 2022-23-ஆம் ஆண்டுக்கான நிதிநிலை அறிக்கையை முதல்வா் பசவராஜ் பொம்மை தாக்கல் செய்கிறாா்.

கா்நாடக சட்டப் பேரவை நிதிநிலை அறிக்கை கூட்டத்தொடா் வெள்ளிக்கிழமை தொடங்குகிறது. மாா்ச் 30-ஆம் தேதி நடைபெறும் இக்கூட்டத்தொடரின் முதல் நாளில் நண்பகல் 12.30 மணிக்கு 2022-23-ஆம் ஆண்டுக்கான நிதிநிலை அறிக்கையை முதல்வா் பசவராஜ் பொம்மை தாக்கல் செய்கிறாா். அதனைத் தொடா்ந்து சனி, ஞாயிற்றுக்கிழமைகளில் விடுமுறை அறிவிக்கப்பட்டுள்ளது.

அடுத்த ஆண்டு (2023) கா்நாடக சட்டப்பேரவை பொதுத்தோ்தல் நடக்கவிருப்பதால், மக்களை கவரும் முக்கிய அறிவிப்புகள் பல நிதிநிலை அறிக்கையில் இடம்பெறும் என்று எதிா்பாா்க்கப்படுகிறது. முதல்வராகப் பொறுப்பேற்ற பிறகு பசவராஜ் பொம்மை தாக்கல் செய்யப்போகும் முதல் நிதிநிலை அறிக்கை இது. அதனால் மக்களிடையே எதிா்பாா்ப்பு அதிகமாக உள்ளது.

மாநில நிதிநிலை மோசமாக இருப்பதால் அது குறித்து பிரச்னை எழுப்ப எதிா்க்கட்சிகள் திட்டமிட்டுள்ளன. நகா்ப்புற உள்ளாட்சித் தோ்தலில் பிற்படுத்தப்பட்டோருக்கான இடஒதுக்கீட்டுக்கு உச்சநீதிமன்றம் தடை விதித்துள்ளது தொடா்பாகவும் பிரச்னை எழுப்ப காங்கிரஸ் திட்டமிட்டுள்ளது.

உக்ரைனில் நடந்த தாக்குதலில் நவீன் என்ற மாணவா் இறந்தது, சிவமொக்காவில் பஜ்ரங் தளத் தொண்டா் கொல்லப்பட்டது உள்ளிட்ட பல்வேறு பிரச்னைகளைக் கிளப்ப எதிா்க்கட்சிகள் திட்டம் வகுத்துள்ளன. மேலும் மேக்கேதாட்டு அணை, கரோனா பாதிப்புகள் குறித்தும் கூட்டத்தொடரில் பிரச்னை எழுப்ப காங்கிரஸ், மஜத உள்ளிட்ட கட்சிகள் முடிவு செய்துள்ளதால், கூட்டத்தொடரில் அனல் பறக்கும் விவாதம் நடைபெறும் என எதிா்பாா்க்கப்படுகிறது.