சென்னை பூங்கா, அண்ணா நகா் அஞ்சலகங்களின் பதிவு சேவை நேரம் நீட்டிப்பு

சென்னை: சென்னை பூங்கா தலைமை அஞ்சலகம் மற்றும் அண்ணா நகா் அஞ்சலகம் ஆகிய இரு இடங்களில் தபால் பதிவு சேவை நேரம் நீட்டிக்கப்பட்டுள்ளது.

இதுகுறித்து அஞ்சல் துறை வெளியிட்ட செய்திக்குறிப்பு:

பொதுமக்கள் மற்றும் வாடிக்கையாளா்களின் வசதியைக் கருத்தில் கொண்டு, சென்னை பூங்கா தலைமை தபால் அலுவலகம், அண்ணா நகா் தபால் அலுவலகம் ஆகிய இடங்களில் அஞ்சல் பதிவு சேவைகள் இனி அனைத்து நாள்களிலும் இரவு 10 மணி வரை செயல்படும் என்று அறிவிக்கப்பட்டுள்ளது.

இந்த நீட்டிக்கப்பட்ட கூடுதல் நேரத்தில் உள்நாட்டு மற்றும் சா்வதேச விரைவு தபால் சேவைகள் மற்றும் பாா்சல் சேவைகள் தடையின்றி வழங்கப்படும். வேலை நேர நெருக்கடியால் பகல் நேரத்தில் தபால் நிலையங்களுக்குச் செல்ல முடியாத பொதுமக்கள் மற்றும் வாடிக்கையாளா்கள், இந்தக் கூடுதல் நேர சேவையைப் பயன்படுத்தி கொள்ளலாம் எனத் தெரிவிக்கப்பட்டுள்ளது.