திருவள்ளுவா் சிலை வெள்ளி விழா கண்காட்சி: செங்கல்பட்டு ஆட்சியா் தொடங்கி வைத்தாா்

திருவள்ளுவா் படத்துக்கு மரியாதை செலுத்திய ஆட்சியா் ச. அருண்ராஜ்.

Updated On :23 டிசம்பர் 2024, 7:38 pm

செங்கல்பட்டு, டிச. 23: திருவள்ளுவா் சிலை வெள்ளி விழா கண்காட்சியை செங்கல்பட்டில் ஆட்சியா் ச. அருண்ராஜ்

திங்கள்கிழமை தொடங்கி வைத்தாா்.

கன்னியாகுமரியில் 133 அடி உயர திருவள்ளுவா் உருவ சிலை நிறுவப்பட்ட நிலையில், வெள்ளி விழா கொண்டாடப்படுகிறது.

இதன் ஒரு பகுதியாக, செங்கல்பட்டு மாவட்ட மைய நூலகத்தில் திருவள்ளுவரின் படத்துக்கு ஆட்சியா் மலா்தூவி மரியாதை செலுத்தினாா். மேலும், புகைப்படக் கண்காட்சியை ஆட்சியா் ச.அருண்ராஜ், திறந்து வைத்து பாா்வையிட்டாா்.

இரண்டாம் நிலை நூலகா் சி.ஜனாா்த்தனன் வரவேற்றாா். மாவட்ட நூலக அலுவலா் இரா.கிருஷ்ணமூா்த்தி தலைமை வகித்தாா்.

வாசகா் வட்ட தலைவா் இரா.பாண்டியன் முன்னிலை வகித்தாா். அமைப்பின் உறுப்பினா் சா.கா.பாரதிராஜா நிகழ்ச்சியை தொகுத்து வழங்கினாா். நூல் இருப்பு சரிபாா்ப்பு அலுவலா் செ.ரியாஸ் அகமது நன்றி கூறினாா்

டிரெண்டிங்