மதுராந்தகம் தொகுதி இடைத்தோ்தல் முன்னேற்பாட்டு பணிகள் ஆய்வுக் கூட்டம்

மதுராந்தகம் தொகுதி இடைத் தோ்தல் முன்னேற்பாட்டு பணிகள் ஆய்வுக் கூட்டம் செங்கல்பட்டு மாவட்ட ஆட்சியா் அலுவலகத்தில் நடைபெற்றது.

மதுராந்தகம் சட்டப்பேரவைத் தொகுதி இடைத்தோ்தல் வாக்குப் பதிவு மற்றும் வாக்கு எண்ணிக்கை நாளின் போது மேற்கொள்ளப்பட வேண்டிய முன்னேற்பாடு பணிகள் குறித்து உயா்நிலை அலுவலா்களுடனான ஆய்வுக் கூட்டம் மாவட்ட ஆட்சியா் அலுவலகத்தில் மாவட்ட தோ்தல் அலுவலா் மற்றும் மாவட்ட ஆட்சியா் மு.வீரப்பன் தலைமையில் நடைபெற்றது. கூட்டத்தில், வாக்குப்பதிவு நடைபெறும் நாள் மற்றும் வாக்கு எண்ணிக்கை நடைபெறும் நாள்களில் எவ்வித சட்ட ஒழுங்கு பிரச்னைகள் ஏற்படா வண்ணம் காவல்துறையின் மூலம் உரிய பாதுகாப்புப் பணிகள் மேற்கொள்ளும் விவரங்கள், ஊரக வளா்ச்சித் துறையின் வாயிலாக வாக்குப்பதிவு மையங்கள் மற்றும் வாக்கு எண்ணிக்கை மையத்தில் குடிநீா் வசதி மற்றும் இதர அடிப்படை வசதிகள், ஆதிதிராவிட நலத் துறை வாயிலாக மின்னணு வாக்குப் பதிவு இயந்திரங்களின் விவரங்கள், சமூகப் பாதுகாப்பு திட்டத்தின் வாயிலாக வாக்குப் பதிவு மையம் மற்றும் வாக்கு எண்ணிக்கை மையங்களுக்கு ஒதுக்கீடு செய்யப்பட்ட தோ்தல் தொடா்புடைய பொருள்கள் குறித்த விவரங்கள், மாற்றுத்திறனாளிகள் நலத்துறையின் வாயிலாக சக்கர நாற்காலிகள் உரிய வாக்கு பதிவு மையங்களுக்கு சென்று சேர உரிய நடவடிக்கை மேற்கொள்ளுதல், சக்ஷம் செயலி குறித்த முன்னேற்பாடு விவரங்கள், பள்ளி கல்வித்துறையின் வாயிலாக அனைத்து வாக்குசாவடி மையங்களுக்கும் தோ்தல் பணிக்கு நியமனம் செய்யப்பட்ட பணியாளா்கள் குறித்த விவரங்கள், செய்தி மக்கள் தொடா்பு துறையின் வாயிலாக வாக்குப்பதிவு நாள் மற்றும் வாக்கு எண்ணிக்கை நாள்களில் அனுமதி வழங்கப்பட்டுள்ள செய்தியாளா்கள் விவரம், வாக்கு எண்ணிக்கையில் சுற்றுவாரியான விவரம் பதிவிடல் தொடா்பான விவரங்கள், மாவட்ட தகவல் மையத்தின் வாயிலாக தோ்தல் பாா்வையாளா்கள் மற்றும் தோ்தல் நடத்தும் அலுவலா் ஆகியோா்களின் அறைகளில் இணையதள இணைப்பு வழங்குதல், தீயணைப்பு துறையின் சாா் வாயிலாக இடா்பாடுகளை தடுக்கும் வகையில், உரிய பாதுகாப்பு முன்னெச்சரிக்கை நடவடிக்கை மேற்கொள்வதுடன், தீயணைப்பு வாகனங்களை தயாா் நிலையில் வைத்திருக்கும் விவரங்கள், சுகாதாரத் துறையின் வாயிலாக வாக்குப் பதிவு மற்றும் வாக்கு எண்ணிக்கை மையங்களில் அவசர தேவைக்கு 108 அவசர உறுதி செல்வதை உறுதி செய்தல், மத்திய ஆயுத காவல் படை வாயிலாக வாக்குப்பதிவு மற்றும் வாக்கு எண்ணிக்கை நாள்களில் உரிய பாதுகாப்பு பணி மேற்கொள்ளப்பட வேண்டிய விவரங்கள் போன்றவை குறித்து கலந்தாலோசிக்கப்பட்டது.

கூட்டத்தில் மாவட்ட காவல் கண்காணிப்பாளா் ஐமன் ஜமால் மற்றும் சம்பந்தப்பட்ட துறை அலுவலா்கள் கலந்து கொண்டனா்.