"லட்சியக் கனவு நிறைவேற கடும் உழைப்பு அவசியம்

மருத்துவம் படிப்போரின் லட்சியக் கனவு நிறைவேற, கடும் உழைப்பு அவசியம் என்று சிறுநீரக அறுவை சிகிச்சை மருத்துவர் டாக்டர் எஸ்.அனந்தகிருஷ்ணன் வலியுறுத்தினார்.

வண்டலூரை அடுத்த தாகூர் மருத்துவக் கல்லூரி, பல் மருத்துவக் கல்லூரிகளில் எம்.பி.பி.எஸ்., பி.டி.எஸ். முதலாம் ஆண்டு வகுப்புகள் தொடக்க விழா அண்மையில் நடைபெற்றது. இதில் சிறப்பு விருந்தினராக சென்னை சிறுநீரக மருத்துவமனை தலைவரும்,ரோபாட்டிக் அறுவை சிகிச்சை நிபுணருமான எஸ்.அனந்தகிருஷ்ணன் பங்கேற்றார்.

சேலம் மாவட்ட ஆட்சியர் வி.சம்பத்,முன்னாள் மாவட்ட நீதிபதி கருணாகரன், தாகூர் மருத்துவக் கல்லூரி முதல்வர் டாக்டர் எஸ்.சாந்தா, "டிக்னிட்டி பவுண்டேஷன்' தலைமைச் செயல் அதிகாரி காயத்ரி அனந்தகிருஷ்ணன், பல் மருத்துவக் கல்லூரி முதல்வர் டாக்டர் சித்ரா ஆர். சந்திரன், துணை முதல்வர் டாக்டர் பாலகோபால் உள்ளிட்டோர் பங்கேற்றனர்.