சென்னை வர்த்தக மையத்தில் வீட்டு உபயோகப் பொருள் விற்பனைக் கண்காட்சி

நந்தம் பாக்கத்தில் உள்ள சென்னை வர்த்தக மையத்தில் வெள்ளிக்கிழமை (ஜூன் 29) முதல் ஜூலை 2-ஆம் தேதி வரை மொத்த விலையில் பர்னிச்சர்கள் விற்பனை, மலிவு 
விலையில் வீட்டு உபயோகப் பொருள்கள் கண்காட்சி நடைபெறுகிறது.
இக்கண்காட்சியில், ஆன்லைன் விற்பனையில் புகழ்பெற்ற குயிக்கர் ஈஸி நிறுவனம் அதன் தயாரிப்புகளை விற்பனைக்கு வைக்கின்றது. அத்துடன் சென்னையில் உள்ள முன்னணி பர்னிச்சர் நிறுவனங்கள் பலவும் பங்கேற்கின்றன. கண்காட்சியில் சூடான், ஆப்பிரிக்கா, பர்மா தேக்குகள், சீசேம் மரங்களால் செய்யப்பட்ட வேலைப்பாடுள்ள பர்னிச்சர்கள் இடம்பெறுகின்றன.
தலையணைகள், மெத்தைகள், படுக்கை, மேசை விரிப்புகள், சமையலறை சாதனங்கள், வீட்டு உபயோகப் பொருள்களும் கண்காட்சியில் விற்பனை செய்யப்படவுள்ளன.
கண்காட்சி காலை 10 முதல் இரவு 8.30 மணி வரையிலும் பார்வையிடலாம். ஜூலை 2-ஆம் தேதி கண்காட்சி நிறைவுபெறுகிறது.