அரும்பாக்கம் இந்து மயான பூமி ஜூன் 15-வரை செயல்படாது: மாநகராட்சி அறிவிப்பு

பெருநகர சென்னை மாநகராட்சிக்கு உள்பட்ட அரும்பாக்கம் இந்து மயான பூமியில் பராமரிப்புப் பணிகள் நடைபெற உள்ளதால் வெள்ளிக்கிழமை (மே 25) முதல் ஜூன் 15 வரை இந்த மயானபூமி செயல்படாது என அறிவிக்கப்பட்டுள்ளது.
இதுகுறித்து பெருநகர சென்னை மாநகராட்சி ஆணையர் அலுவலகம் வியாழக்கிழமை வெளியிட்ட செய்திக் குறிப்பு: சென்னை மாநகராட்சி மண்டலம் 8-க்கு உள்பட்ட அரும்பாக்கத்தில் இந்து மயான பூமி அமைந்துள்ளது. 
இந்த மயான பூமியில் சடலத்தை எரிக்கும் இயந்திரத்தில் பழுது ஏற்பட்டுள்ளது. அதை பராமரிக்கும் பணி மேற்கொள்வதையொட்டி, வெள்ளிக்கிழமை (மே 25) முதல் ஜூன் 15-ஆம் தேதி வரை மயான பூமி செயல்படாது.
இக்காலக்கட்டத்தில், அருகில் உள்ள அண்ணா நகர், நியூ ஆவடி சாலையில் உள்ள வேலங்காடு இந்து மயான பூமி, நுங்கம்பாக்கம் இந்து மயான பூமியை பொதுமக்கள் பயன்படுத்திக் கொள்ளலாம்.