மறைந்த நீதிபதி அ.வரதராஜன் நூற்றாண்டு

இந்திய வரலாற்றில் உயர்நீதிமன்ற நீதிபதியாக்கப்பட்ட முதல் தலித் என்ற பெருமைக்குச் சொந்தக்காரரான  அ.வரதராஜனின் நூற்றாண்டு இன்று.

நீதிபதி அ.வரதராஜன் கடந்த 1920 ஆம் ஆண்டு ஆகஸ்டு 17 - ஆம் தேதி அப்போதைய வட ஆற்காடு மாவட்டம் ஜோலார்பேட்டையில் பிறந்தார். திருப்பத்தூர் நகராட்சி உயர்நிலைப் பள்ளியில் பள்ளிப்படிப்பை முடித்த அவர், கடந்த 1941ஆம் ஆண்டு சென்னை லயோலா கல்லூரியில் சேர்ந்து இளங்கலைப் பட்டம்  பெற்றார்.  கடந்த 1943 ஆம் ஆண்டில் சென்னை சட்டக் கல்லூரியில் இளங்கலை சட்டப் படிப்பை முடித்தார்.

அப்போதிருந்த நடைமுறைப்படி, 1944- ஆம் ஆண்டு  சென்னை உயர் நீதிமன்றத்தால் வழக்குரைஞராகப் பதிவு செய்தார். சென்னை உயர் நீதிமன்றத்தின் கூடுதல் நீதிபதியாக 1972 ஆம் ஆண்டு 15 பிப்ரவரி  அன்று பணிநியமனம் செய்யப்பட்டார்.  ஓராண்டுக்குப் பின், 1974 ஆம் ஆண்டு 27 பிப்ரவரி முதல் நிரந்தர நீதிபதியாக நியமிக்கப்பட்டார்.

கடந்த 1980 ஆம் ஆண்டு  உச்ச நீதிமன்ற நீதிபதியாக நியமிக்கப்பட்ட அ.வரதராஜன், 1985 ஆம் ஆண்டு ஆகஸ்ட் 16-ஆம் தேதியுடன்  பணி ஓய்வு பெற்றார். தனது 89-ஆவது வயதில் காலமானார். இந்திய வரலாற்றில் உயர்நீதிமன்ற நீதிபதியாக்கப்பட்ட முதல் தலித் என்ற பெருமையும், உச்சநீதிமன்ற நீதிபதியாக நியமிக்கப்பட்ட பெருமையும் கொண்டவர் அ.வரதராஜன் என்பது குறிப்பிபிடத்தக்கது.