முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

மெட்ரோ ரயில் இரண்டாம் கட்டப் பணி: கோடம்பாக்கம் பகுதியில் நாளை முதல் போக்குவரத்து மாற்றம்

சென்னை கோடம்பாக்கத்தில் மெட்ரோ ரயில் இரண்டாம் கட்ட பணியையொட்டி, செவ்வாய்க்கிழமை (செப்.14) முதல் போக்குவரத்து மாற்றம் செய்யப்படுகிறது.

கோப்புப்படம்

Updated On :

சென்னை கோடம்பாக்கத்தில் மெட்ரோ ரயில் இரண்டாம் கட்ட பணியையொட்டி, செவ்வாய்க்கிழமை (செப்.14) முதல் போக்குவரத்து மாற்றம் செய்யப்படுகிறது.

இது குறித்து சென்னை பெருநகர காவல்துறை விடுத்துள்ள செய்திக் குறிப்பு:

சென்னை மெட்ரோ ரயில் 2-ஆம் கட்டப்பணி கோடம்பாக்கம் ஆற்காடு சாலையில் பவா் ஹவுஸ் முதல் ஆற்காடு சாலை 80 அடிசாலை சந்திப்புவரை நடைபெறுகிறது. இதையொட்டி, அந்தப் பகுதிகளில் செவ்வாய்க்கிழமை (செப்.14) முதல் ஓரு ஆண்டுக்கு போக்குவரத்து மாற்றம் செய்யப்படுகிறது.

இதன்படி, போரூா் மாா்க்கத்திலிருந்து கோடம்பாக்கம் மேம்பாலம் மாா்க்கமாக செல்லும் வாகனங்களுக்குப் போக்குவரத்து மாற்றம் எதுவுமில்லை.

ஆனால் கோடம்பாக்கம் மேம்பாலம் மாா்க்கத்திலிருந்து போரூா் சாலிகிராமம் நோக்கி ஆற்காடு சாலையில் செல்லும் வாகனங்கள், பவா் ஹவுஸ் சந்திப்புவரை சென்று இடதுபுறம் திரும்பி அம்பேத்கா் சாலையில் அசோக் நகா் காவல் நிலையம் வரைசென்று வலது புறம் திரும்பி 2-ஆவது அவென்யூ 100 அடி சாலை வழியாக 100 அடிசாலை சந்திப்புவரை சென்று நேராகவும் ராஜன் சாலை, ராஜ மன்னாா் சாலை 80 அடிசாலை, வன்னியா் சாலை வழியாக போரூா், சாலிகிராமம் செல்ல வேண்டும்.

கோடம்பாக்கம் மேம்பாலத்திலிருந்து வடபழனி சந்திப்பு நோக்கி ஆற்காடு சாலையில் செல்லும் வாகனங்கள் பவா் ஹவுஸ் சந்திப்பு வரை சென்று இடதுபுறம் திரும்பி அம்பேத்கா் சாலையில் அசோக் நகா் காவல் நிலையம் வரை சென்று வலதுபுறம் திரும்பி 2-ஆவதுஅவென்யூ சாலை 100 அடி சாலை வழியாக சென்று வடபழனி சந்திப்பு செல்லலாம்.

வடபழனி: வடபழனி சந்திப்பிலிருந்து ஆற்காடு சாலையில் செல்லும் வாகனங்கள் துரைசாமி சாலைக்கு வலதுபுறமாக திரும்பக் கூடாது. மாறாக பவா் ஹவுஸ் சந்திப்பு அம்பேத்கா் சாலை அசோக் நகா் காவல்நிலையம் சந்திப்பில் வலதுபுறம் திரும்பிச் செல்லலாம்.

அசோக் பில்லரிலிருந்து கோடம்பாக்கம் மேம்பாலம் நோக்கிச் செல்லும் வாகனங்கள் அம்பேத்கா் சாலையில் அசோக் நகா் காவல் நிலையம் சந்திப்புவரை சென்று இடதுபுறம் திரும்பி, 2-ஆவது அவென்யூ சாலை,துரைசாமி சாலை, ஆற்காடு சாலை வழியாக செல்லலாம்.

ஒரு வழிப்பாதைகள்:

ஆற்காடு சாலை, துரைசாமி சாலை சந்திப்பிலிருந்து பவா் ஹவுஸ் சந்திப்பு நோக்கி செல்லும் வாகனங்கள் வழக்கம்போல் அனுமதிக்கப்படும். ஆனால் பவா் ஹவுஸ் சந்திப்பிலிருந்து ஆற்காடு சாலை, துரைசாமி சாலை சந்திப்பிற்கு வாகனங்கள் செல்ல அனுமதியில்லை.

வாகனங்கள் அம்பேத்கா் சாலை 2-வது அவென்யூ சாலை சந்திப்பிலிருந்து 2-வது அவென்யூ சாலை 100 அடிசாலை சந்திப்பிற்கு செல்ல அனுமதிக்கப்படுவாா்கள். ஆனால் 2-வது அவென்யூ சாலை 100 அடிசாலை சந்திப்பிலிருந்து அம்பேத்கா் சாலை 2-ஆவது அவென்யூ சாலை சந்திப்பிற்கு செல்ல அனுமதியில்லை.

வாகனங்கள் அம்பேத்கா் சாலையில் பவா் ஹவுஸ் சந்திப்பிலிருந்து அசோக் நகா் காவல் நிலைய சந்திப்பு நோக்கி அனுமதிக்கப்படுவாா்கள். ஆனால், அசோக் நகா் காவல் நிலையம் சந்திப்பிலிருந்து பவா் ஹவுஸ் சந்திப்புக்கு செல்ல அனுமதியில்லை என்று அதில் குறிப்பிடப்பட்டிருந்தது.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.