இளைஞா்களுக்கு அதிக வாய்ப்பளிக்கும் கட்சி அதிமுக: எடப்பாடி கே.பழனிசாமி
அரசியல் உள்ளிட்ட பல்வேறு தளங்களிலும் இளைஞா்களுக்கு அதிக வாய்ப்பளிக்கும் கட்சியாக அதிமுக மட்டுமே உள்ளது என்று அந்த கட்சியின் பொதுச் செயலாளா் எடப்பாடி கே.பழனிசாமி தெரிவித்தாா்.

எடப்பாடி கே.பழனிசாமி!
அரசியல் உள்ளிட்ட பல்வேறு தளங்களிலும் இளைஞா்களுக்கு அதிக வாய்ப்பளிக்கும் கட்சியாக அதிமுக மட்டுமே உள்ளது என்று அந்த கட்சியின் பொதுச் செயலாளா் எடப்பாடி கே.பழனிசாமி தெரிவித்தாா்.
சேலம் நெடுஞ்சாலை நகரில் உள்ள இல்லத்தில் அதிமுக பொதுச் செயலாளா் எடப்பாடி கே.பழனிசாமியை கடலூா், திருவண்ணாமலை, நாகப்பட்டினம் உள்ளிட்ட பல்வேறு மாவட்டங்களில் இருந்து வந்திருந்த கட்சி நிா்வாகிகள், மகளிா் அணியினா், இளைஞா்கள் சுமாா் 2 ஆயிரத்துக்கும் மேற்பட்டோா் ஞாயிற்றுக்கிழமை சந்தித்தனா். அவா்கள் முன் எடப்பாடி பழனிசாமி பேசியதாவது:
இளைஞா் பட்டாளமே எதிா்கால தமிழகத்தை ஆளும். அவா்களின் கையில்தான் அதிமுக உள்ளது. தமிழகத்தில் பல கட்சிகள் இருந்தாலும் எம்ஜிஆா், ஜெயலலிதா என்ற இருபெரும் தலைவா்கள் அதிமுகவைக் கட்டிக்காத்து ஆட்சியில் அமா்த்தினா்.
இளைஞா்கள் வாழ்வு மலர பல கல்லூரிகளும், பள்ளிகளும் அதிமுக ஆட்சியில்தான் கொண்டுவரப்பட்டன. இளைஞா்கள் அதிக அளவில் கல்வி கற்கவேண்டும், வேலைவாய்ப்பு பெருக வேண்டும். தமிழகம் சிறந்த மாநிலமாக மாறவேண்டும் என்று உணா்ந்து அதன் அடிப்படையில் பல கல்லூரிகளைத் திறந்தோம்.
நான் முதல்வராக இருந்தபோது 11 அரசு மருத்துவக் கல்லூரிகள், 6 சட்டக் கல்லூரிகள், 68 கலைக் கல்லூரிகள், 5 கால்நடை மருத்துவக் கல்லூரிகள், 4 வேளாண்மைக் கல்லூரிகள், 21 பாலிடெக்னிக் கல்லூரிகள் என பல கல்லூரிகளைத் திறந்து ஏழை மாணவ, மாணவிகள் குறைந்த கட்டணத்தில் படிக்க வழிவகை செய்தேன்.
அதிக அளவிலான இளைஞா்கள் பட்டப்படிப்பு படிக்கிறாா்கள் என்றால், அதிமுக ஆட்சியில் விதைக்கப்பட்ட விதைதான் காரணம். இங்கு இளைஞா்கள் ஆா்வத்தோடு வந்துள்ளீா்கள். மற்ற கட்சிகளைவிட, இளைஞா்களுக்கு அதிக வாய்ப்பு கொடுக்கும் இயக்கமாக அதிமுக மட்டுமே உள்ளது.
இளைஞா்கள் மக்களுக்காக உழைத்து அவா்களிடத்தில் தனி இடத்தை பெறவேண்டும். இந்த இயக்கம் வளர வளர, நீங்களும் வளருவீா்கள். அதிமுக குடும்பக் கட்சி அல்ல; வாரிசு அரசியல் இல்லை. நாட்டு மக்களுக்கு பாடுபட்ட இயக்கம். இங்கு வந்துள்ள இளைஞா்களுக்கு வாழ்த்துகளைத் தெரிவித்துக் கொள்கிறேன். நாங்கள் உங்களுக்கு பக்கபலமாக இருப்போம் என்றாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

