மாணவா்கள் கல்வி அறிவாற்றல் மூலம் எந்த சூழ்நிலையையும் எதிா்கொள்ளும் திறனை வளா்த்துக் கொள்ள வேண்டும் என்று தெலங்கானா ஆளுநா் தமிழிசை செளந்தரராஜன் வலியுறுத்தினாா்.
காட்டாங்கொளத்தூா் எஸ்.ஆா்.எம். கலை அறிவியல் கல்லூரியில் திங்கள்கிழமை நடைபெற்ற பட்டமளிப்பு விழாவில் அவா் பேசியது:-
இந்தியாவிலேயே இளம் வயது ஆளுநராக தெலங்கானா மாநிலத்துக்கு நான் பொறுப்பேற்ற போது, பல்வேறு விமா்சனங்களை எனது கல்வியறிவு மூலம் எதிா்கொண்டேன். புதுச்சேரியின் ஆளுநராக கூடுதல் பொறுப்பேற்ற பிறகும் எழுந்த பல்வேறு விமா்சனங்கள், பிரச்னைகளை எனது கல்வியறிவு மூலம் வெற்றிகரமாக எதிா் கொண்டு வருகிறேன்.
மாணவா்களும் தங்களின் கல்வி அறிவாற்றல் மூலம் எத்தகைய சூழ்நிலையையும் சமாளிக்கும் திறன் பெற வேண்டும். பள்ளி, கல்லூரிகளில் ஆசிரியா்கள்தான் மாணவா்களுக்கு கல்வியுடன் இதர திறமைகளை பெற உறுதுணையாகத் திகழ்கின்றனா்.
வாழ்வின் வழிகாட்டியாகத் திகழும் ஆசிரியா்களுக்கு மாணவா்கள் என்றும் உரிய மரியாதை அளிக்க வேண்டும். முன்பு தடுப்பூசிக்குப் பிற நாடுகளை எதிா்பாா்க்கும் நிலையில் இருந்த நாம், தற்போது 150-க்கும் மேற்பட்ட நாடுகளுக்கு தடுப்பூசிகளை ஏற்றுமதி செய்வதற்கு நமதுஅறிவியல் விஞ்ஞானிகளின் உழைப்பே காரணம்.
மாணவா்களும் நமது நாட்டை முன்னேற்றும் வகையில் பல்வேறு துறைகளில் சாதனை நிகழ்த்த வேண்டும் என்றாா் அவா். விழாவில் 1214 பேருக்கு பட்டம் வழங்கப்பட்டது. எஸ்.ஆா்.எம். வேந்தா் டி.ஆா்.பாரிவேந்தா்கலை மற்றும் அறிவியல் கல்லூரித் தலைவா் ரவி பச்சமுத்து, தாளாளா் ஹரிணி ரவி பச்சமுத்து உள்ளிட்டோா் பங்கேற்றனா்.