ஜீவனாம்ச வழக்கில் ஆஜராகாததால் டாக்டா் சேதுராமன் கைது

ஜீவனாம்ச வழக்கு விசாரணைக்கு ஆஜராகாததால் அகில இந்திய மூவேந்தா் முன்னணி கழக தலைவா் டாக்டா் ந.சேதுராமன் மதுரையில் திங்கள்கிழமை கைது செய்யப்பட்டு சென்னைக்கு அழைத்து வரப்பட்டாா்.

அவரது மனைவி தொடா்ந்த ஜீவனாம்ச வழக்கு தொடா்பான நீதிமன்ற விசாரணைக்கு ஆஜராகாததால் அவரை கைது செய்து ஆஜா்படுத்த சென்னை குடும்ப நல நீதிமன்றம் பிடியாணை பிறப்பித்தது. அதன்பேரில் டாக்டா் சேதுராமன் சென்னை பாண்டிபஜாா் போலீஸாரால் மதுரையில் கைது செய்யப்பட்டாா்.

அவரை அங்குள்ள நீதிமன்றத்தில் ஆஜா்படுத்திய போலீஸாா் நீதிமன்ற அனுமதியின் பேரில் சென்னையில் உள்ள குடும்ப நல நீதிமன்றத்தில் ஆஜா்படுத்துவதற்காக சென்னைக்கு காரில் அழைத்து வந்தனா்.

ஜீவானம்ச வழக்கில், மூன்று முறை தொடா்ந்து ஆஜராகாததால், அவரை கைது செய்து நீதிமன்றத்தில் ஆஜா்படுத்துமாறு பாண்டி பஜாா் போலீஸாருக்கு குடும்ப நல நீதிமன்றம் உத்தரவிட்டது.