ரமலான், வார விடுமுறை: 1,065 சிறப்பு பேருந்துகள்

சென்னை: ரமலான், வார விடுமுறை தினங்களை முன்னிட்டு, ஏப்.10, 12, 13 ஆகிய தேதிகளில் 1,065 சிறப்பு பேருந்துகளை இயக்க அரசு விரைவு போக்குவரத்துக் கழகம் முடிவு செய்துள்ளது.

இது குறித்து அரசு விரைவு போக்குவரத்துக் கழகம் சாா்பில் வெளியிட்ட செய்திக் குறிப்பு:

ரமலான் பண்டிகை தினமான வியாழக்கிழமை (ஏப்.11) மற்றும் வார விடுமுறை நாள்களான சனி, ஞாயிறு (ஏப்.13, 14) ஆகிய தினங்களை முன்னிட்டு, புதன்கிழமை (ஏப்.10), வெள்ளிக்கிழமை(ஏப்.12), சனிக்கிழமை (ஏப்.13) ஆகிய தேதிகளில் சென்னையிலிருந்து பிற இடங்களுக்கும், பிற இடங்களிலிருந்தும் தினசரி இயக்கப்படும் பேருந்துகளுடன், கூடுதலாக சிறப்புப் பேருந்துகளை இயக்க திட்டமிடப்பட்டுள்ளது.

அதன்படி, சென்னை கிளாம்பாக்கத்திலிருந்து திருவண்ணாமலை, திருச்சி, கும்பகோணம், மதுரை, திருநெல்வேலி, நாகா்கோவில், கன்னியாகுமரி, தூத்துக்குடி, கோயம்புத்தூா், சேலம், ஈரோடு, திருப்பூா் ஆகிய இடங்களுக்கு புதன்கிழமை 315 பேருந்துகள், வெள்ளிக்கிழமை 290 பேருந்துகள், சனிக்கிழமை 340 பேருந்துகள் மற்றும் சென்னை கோயம்பேட்டிலிருந்து நாகை, வேளாங்கண்ணி, ஒசூா், பெங்களூரு ஆகிய இடங்களுக்கு புதன், வெள்ளி, சனிக்கிழமைகளில் 120 பேருந்துகள் இயக்க திட்டமிடப்பட்டுள்ளது.

எனவே, தினசரி இயக்கக்கூடிய பேருந்துகளுடன் கூடுதலாக புதன்கிழமை 315 பேருந்துகளும், வெள்ளிக்கிழமை 290 பேருந்துகளும், சனிக்கிழமை 340 பேருந்துகளும் இயக்கப்படும்.

இதேபோல, கோயம்பேட்டிலிருந்து புதன்கிழமை 40 பேருந்துகளும், வெள்ளிக்கிழமை 40 பேருந்துகளும், சனிக்கிழமை 40 பேருந்துகளும், மேற்கூறிய இடங்களிலிருந்தும் மற்றும் பெங்களூரு, திருப்பூா், ஈரோடு மற்றும் கோயம்புத்தூா் ஆகிய இடங்களிலிருந்தும் பல்வேறு இடங்களுக்கும் 200 சிறப்பு பேருந்துள் என மொத்தம் 1,065 பேருந்துகள் இயக்கப்படும்.

இதுமட்டுமின்றி ஞாயிற்றுக்கிழமை (ஏப்.14) சொந்த ஊா்களில் இருந்து சென்னை மற்றும் பெங்களூரு திரும்ப வசதியாக பயணிகளின் தேவைகேற்ப அனைத்து இடங்களிலிருந்தும் சிறப்புப் பேருந்துகள் இயக்கப்படும் என அதில் தெரிவிக்கப்பட்டுள்ளது.

Related Stories

No stories found.
X
Dinamani
www.dinamani.com