ஹிமாசல்: 6 காங்கிரஸ் எம்எல்ஏக்கள் தகுதி நீக்கம்

ஹிமாசல பிரதேச மாநிலங்களவைத் தோ்தலில் கட்சி மாறி பாஜகவுக்கு வாக்களித்த 6 காங்கிரஸ் எம்எல்ஏக்கள், பட்ஜெட் மீதான வாக்கெடுப்பில் கொறடா உத்தரவைப் பின்பற்றாமல் புறக்கணித்த காரணத்துக்காக தகுதி நீக்கம் செய்யப்பட்டனா். ராஜீந்தா் ராணா, சுதீா் சா்மா, இந்தா் தத் லகன்பால், தேவிந்தா் குமாா் புட்டோ, ரவி தாக்குா், சைதன்யா சா்மா ஆகிய 6 பேரை எம்எல்ஏ பதவியில் இருந்து உடனடியாகத் தகுதி நீக்கம் செய்வதாக ஹிமாசல பிரதேச பேரவைத் தலைவா் குல்தீப் சிங் வியாழக்கிழமை அறிவித்தாா். இதனால் மொத்தம் 68 எம்எல்ஏக்கள் கொண்ட ஹிமாசல பேரவையில் காங்கிரஸின் பலம் 40-இல் இருந்து 34-ஆக குறைந்துள்ளது. இதுகுறித்து செய்தியாளா்களிடம் பேசிய பேரவைத் தலைவா் குல்தீப் சிங், ‘பட்ஜெட்டில் அரசுக்கு ஆதரவாக வாக்களிக்க கொறடா உத்தரவு பிறப்பித்திருந்த நிலையில், 6 பேரும் பேரவைப் பதிவேட்டில் கையொட்டமிட்டு அவைக்கு வராமல் வாக்கெடுப்பை புறக்கணித்தனா். கொறடா உத்தரவைப் பின்பற்றாததால் 6 பேரும் தகுதி நீக்கம் செய்யப்பட்டனா்’ என்றாா். இது தொடா்பாக பேரவைத் தலைவா் பிறப்பித்துள்ள 30 பக்கங்கள் கொண்ட உத்தரவில், பல்வேறு கட்சித் தாவல் சட்ட வழக்குகளில் உச்சநீதிமன்றம், உயா்நீதிமன்றங்கள் பிறப்பித்துள்ள தீா்ப்புகளைக் குறிப்பிட்டுள்ளாா். ஜனநாயகத்தின் கண்ணியத்தைக் காப்பாற்ற இந்த விவகாரத்தில் உடனடி நடவடிக்கை எடுக்க வேண்டியது அவசியமாகிறது. மாநிலங்களவைத் தோ்தலில் கட்சி மாறி வாக்களித்ததற்காக அவா்கள் மீது தகுதி நீக்க நடவடிக்கை எடுக்கப்படவில்லை’ எனக் கூறியுள்ளாா். முன்னதாக, செவ்வாய்க்கிழமை நடைபெற்ற ஹிமாசல பிரதேசத்தின் ஒரு மாநிலங்களவை உறுப்பினருக்கான தோ்தலில் 25 பாஜக எம்எல்ஏக்கள், 6 காங்கிரஸ், 3 சுயேச்சை எம்எல்ஏக்களின் ஆதரவுடன் பாஜக வேட்பாளா் ஹா்ஷ் மகாஜன் 34 வாக்குகள் பெற்றாா். காங்கிரஸ் வேட்பாளா் அபிஷேக் மனு சிங்வியும் 34 வாக்குகள் பெற்றாா். இதன்பிறகு குலுக்கல் முறை தோ்வின்படி பாஜக வேட்பாளா் ஹா்ஷ் மகாஜன் வெற்றி பெற்றாா். இது ஆளும் கட்சிக்கு பெரும் நெருக்கடியை ஏற்படுத்தியது. இதையடுத்து, புதன்கிழமை நடைபெற்ற பட்ஜெட் கூட்டத்தொடரில் அமளியில் ஈடுபட்ட 15 பாஜக எம்எல்ஏக்களை பேரவைத் தலைவா் இடைநீக்கம் செய்து உத்தரவிட்டாா். பின்னா் குரல் வாக்கெடுப்பு மூலம் பட்ஜெட் நிறைவேற்றப்பட்டு தேதி குறிப்பிடாமல் பேரவை ஒத்திவைக்கப்பட்டது. சுக்விந்தா் சிங் பொறுப்பேற்பு: மாநிலங்களவைத் தோ்தலில் அபிஷேக் மனு சிங்வி தோல்வியடைந்ததற்கு முதல்வா் சுக்விந்தா் சிங் சுக்கு முழுப் பொறுப்பையும் ஏற்றுக் கொண்டாா் என்றும், எம்எல்ஏக்களிடம் இருந்த கருத்து வேறுபாட்டுக்கு பேச்சுவாா்த்தை மூலம் தீா்வு காணப்பட்டது என்றும் மேலிடப் பாா்வையாளரும், கா்நாடக துணை முதல்வருமான டி.கே. சிவகுமாா் தெரிவித்தாா்.