மக்காச்சோள பயிரைப் பாதுகாக்க வேளாண் துறை ஆலோசனை

சென்னை: மக்காச்சோள பயிரை தண்டுதுளைப்பானில் இருந்து பாதுகாக்குமாறு விவசாயிகளுக்கு வேளாண் துறை அறிவுறுத்தியுள்ளது.

குறுகிய காலத்தில் அதிக மகசூல் தரும் பயிா்களில் ஒன்று மக்காச்சோளம். பெரும்பாலும் இந்தப் பயிரை தண்டுதுளைப்பான் புழு , தண்டை துளைத்து தின்று சேதத்தை விளைவிக்கும். இதனால் இளம் பயிரில் நடுக்குருத்து காய்ந்து விடும். வளரும் பயிரிலிருந்து வெளிவரும் இலைகளின் இரு பகுதிகளிலும் சம அளவில் துவாரங்கள் காணப்படும்.

இதிலிருந்து பாதுகாக்க ஊடுபயிா் முறையில் 2:1 விகிதத்தில் மக்காச்சோளத்துடன் காராமணியை பயிரிடலாம். முட்டை ஒட்டுண்ணி, டிரைக்கோகிராமா சிலோகனிஸை ஒரு வார இடைவெளியில் மூன்றுமுறை பயன்படுத்த வேண்டும்.

பயிா் பாதிப்பு 10 சதவீதத்தை தாண்டினால் டைமெத்தோயேட் அல்லது குளோரான்ட்ரானிலிப்ரோல் தெளிக்கலாம் எனத் தெரிவிக்கப்பட்டுள்ளது.