தங்கம் பவுனுக்கு ரூ.280 உயா்வு

சென்னை, ஜூலை 31: சென்னையில் ஆபரணத் தங்கத்தின் விலை புதன்கிழமை பவுனுக்கு ரூ.280 உயா்ந்து ரூ.51,360-க்கு விற்பனையானது.

கடந்த சில நாள்களாக ஆபரணத்தங்கத்தின் விலை தொடா்ந்து குறைந்து வந்த நிலையில் செவ்வாய்க்கிழமை ஒரு பவுன் ரூ.51,080-க்கு விற்பனையானது. இந்நிலையில், சென்னையில் ஆபரணத்தங்கத்தின் விலை புதன்கிழமை ஒரு கிராமுக்கு ரூ.35 உயா்ந்து ரூ.6,420-க்கும், பவுனுக்கு ரூ.280 உயா்ந்து ரூ.51,360-க்கும் விற்பனையானது.

அதேபோல், வெள்ளியின் விலை கிராமுக்கு ரூ. 2 உயா்ந்து ரூ. 91-க்கும், ஒரு கிலோ (கட்டிவெள்ளி) ரூ. 200 உயா்ந்து ரூ. 91,000-க்கும் விற்பனையானது.