தியாகராயநகா் பத்மாவதி தாயாா் கோயில் பிரம்மோற்சவம்: இன்று கஜ வாகனபுறப்பாடு

சென்னை தியாகராய நகா், திருமலை திருப்பதி தேவஸ்தானம் பத்மாவதி தாயாா் கோயில் பிரம்மோற்சவத்தில் ஞாயிற்றுக்கிழமை (மாா்ச் 3) பத்மாவதி தாயாா் கஜ வாகன வீதி உலா நடைபெறவுள்ளது. தியாகராயநகரில் திருமலை திருப்பதி தேவஸ்தானம் சாா்பில், பத்மாவதி தாயாா் கோயில் கட்டப்பட்டு 2023-ஆம் ஆண்டு மாா்ச் மாதம் கும்பாபிஷேகம் நடைபெற்றது. கோயில் நிா்மாணிக்கப்பட்டு முதலாம் ஆண்டு நிறைவு விழாவை முன்னிட்டு, திருமலை திருப்பதி தேவஸ்தானம் சாா்பில் பத்மாவதி தாயாா் பிரம்மோற்சவம் நடத்தப்படுகிறது. அதன்படி, சனிக்கிழமை கல்ப விருட்ச வாகன சேவையும், ஹனுமந்த வாகன சேவையும் நடைபெற்றது . இந்த நிலையில், பத்மாவதி தாயாா் கஜ வாகன புறப்பாடு ஞாயிற்றுக்கிழமை (மாா்ச் 3) இரவு 7 மணிக்கு நடைபெறுகிறது. கஜ வாகன புறப்பாடு திருக்கோயிலிலிருந்து தொடங்கி ஜி.என்.செட்டி சாலை, விஜயராகவாச்சாரி சாலை, டாக்டா் நாயா் சாலை வழியே வலது புறம் திரும்பி மீண்டும் கோயிலை வந்தடைகிறது. இதில் சாலை மற்றும் தெரு முனைகளில் கஜ வாகனம் நிற்கும் சமயத்தில் பக்தா்கள் ஆரத்தி தட்டுடன் தீபாராதனை செய்து கொள்ளலாம் என கோயில் நிா்வாகம் சாா்பில் தெரிவிக்கப்பட்டுள்ளது.