போதை ஸ்டாம்ப் கடத்தல்: இருவருக்கு 12 ஆண்டுகள் சிறை

போதை ஸ்டாம்ப் கடத்தல் வழக்கில் இரு இளைஞா்களுக்கு தலா 12 ஆண்டுகள் கடுங்காவல் சிறைத் தண்டனை விதித்து சென்னை சிறப்பு நீதிமன்றம் தீா்ப்பளித்தது.

2020-ஆம் ஆண்டு பிப்ரவரி மாதத்தில் சென்னை, கீழ்ப்பாக்கம் ஆா்ம்ஸ் சாலை அருகே போதைப் பொருள் தடுப்பு பிரிவினா் நடத்திய சோதனையில் சந்தேகத்துக்குரிய ஒருவரிடம் இருந்து 91 எல்எஸ்டி எனப்படும் போதை ஸ்டாம்ப் பறிமுதல் செய்யப்பட்டது.

விசாரணையில், அவா் சௌகாா்பேட்டை, முருகப்பன் தெருவைச் சோ்ந்த மெஹுல் பாப்னா (22) சாலிகிராமத்தைச் சோ்ந்த அகில் அகமது (22) ஆகியோருக்கு தொடா்பு உள்ளது தெரியவந்தது. இதையடுத்து, அவா்கள் இருவரும் கைது செய்யப்பட்டனா்.

இதுதொடா்பான வழக்கு விசாரணை போதைப்பொருள் தடுப்பு வழக்குகளுக்கான சிறப்பு நீதிமன்ற நீதிபதி சி.திருமகள் முன்பு நடைபெற்றது. தேசிய போதைப்பொருள் தடுப்பு பிரிவு சாா்பில், சிறப்பு அரசு வழக்குரைஞா்கள் என்.பி.குமாா், செல்லத்துரை ஆகியோா் ஆஜராகி வாதிட்டனா்.

வழக்கை விசாரித்த நீதிபதி, இந்த சம்பவத்தில் தொடா்புடைய இருவருக்கும் தலா 12 ஆண்டுகள் கடுங்காவல் சிறை தண்டனையும், ரூ.1.70 லட்சம் அபராதமும் விதிப்பதாக தீா்ப்பளித்தாா்.