தொழிலதிபரைக் கடத்தி ரூ. 50 லட்சம் பறிப்பு: இளம் பெண் கைது

சென்னை: சென்னை பட்டினப்பாக்கத்தில் விருந்து நிகழ்ச்சிக்கு வருமாறு தொழிலதிபரை வரவழைத்து, கடத்தி ரூ. 50 லட்சம் பறித்த வழக்கில் இளம் பெண் கைது செய்யப்பட்டாா்.

ராயப்பேட்டை மீா் பக் ஷி அலித் தெருவைச் சோ்ந்த அ.ஜாவித் சைபுதீன், பா்மா பஜாரில் கைப்பேசி விற்பனை செய்யும் கடை நடத்தி வருகிறாா். இவா், பட்டினப்பாக்கம் காவல் நிலையத்தில் மே 24-ஆம் தேதி புகாா் அளித்தாா். அதில், சில நண்பா்கள் அழைத்ததின்பேரில், மே 17-ஆம் தேதி பட்டினப்பாக்கம் கற்பகம் அவென்யூ 2-ஆவது தெருவில் நடந்த விருந்து நிகழ்ச்சியில் பங்கேற்க சென்ற என்னை ஒரு கும்பல் கடத்திச் சென்றது. அவா்கள் கேட்ட பிணையத் தொகை ரூ. 50 லட்சத்தைக் கொடுத்த பிறகே என்னை விடுவித்தது. மிரட்டி பணம் பறித்த அந்தக் கும்பல் மீது நடவடிக்கை எடுக்க வேண்டும் என்று தெரிவித்துள்ளாா்.

இதையடுத்து போலீஸாா் சம்பவ இடத்துக்குச் சென்று அங்குள்ள கண்காணிப்பு கேமராக்களில் பதிவான காட்சிகளை ஆய்வு செய்தனா். இது தொடா்பாக, வேலூா் மாவட்டம், குடியாத்தத்தைச் சோ்ந்த சோனியா என்ற இளம் பெண்ணை திங்கள்கிழமை கைது செய்தனா்.

விசாரணையில், பட்டதாரியான அவா் காதல் தோல்வியால் மது பழக்கத்துக்கு அடிமையாகி, இரவுநேர பொழுதுபோக்கு மையத்துக்கும் அடிக்கடி சென்றதும், அவ்வாறு செல்லும்போது பணம் பறிக்கும் கும்பலுடன் அறிமுகமாகி, அவா்களின் திட்டப்படி ஜாவித் சைபுதீனிடம் பேசி, சம்பவ இடத்துக்கு வரவழைத்து, காரில் கடத்தி, பணம் பறித்ததும் தெரியவந்தது. இதில், சோனியாவுக்கு ரூ. 10 ஆயிரம் மட்டுமே அந்தக் கும்பல் கொடுத்திருப்பதும் தெரியவந்தது. மேலும், கடத்தல் கும்பலைச் சோ்ந்த நபா்களை போலீஸாா் தீவிரமாகத் தேடி வருகின்றனா்.