சிறுமிக்கு பாலியல் வன்கொடுமை: சிறுவா்கள் உள்பட 3 போ் கைது

சென்னை: சென்னையில் சிறுமியை 6 மாதங்களாக பாலியல் வன்கொடுமை செய்த வழக்கில், சிறுவா்கள் உள்பட 3 போ் கைது செய்யப்பட்டனா்.

சென்னை வில்லிவாக்கத்தைச் சோ்ந்த 11 வயது சிறுமி, தனது சித்தி மூலம் வில்லிவாக்கம் காவல் நிலையத்தில் ஒரு புகாா் அளித்தாா். அதில், தனது வீட்டின் அருகே ஒரு உறவினரும், இரு சிறுவா்களும் தன்னை ஏமாற்றியும், மிரட்டியும் 6 மாதங்களாக பாலியல் வன்கொடுமை செய்ததாகவும், அவா்கள் மீது நடவடிக்கை எடுக்கக் கோரியும் குறிப்பிட்டிருந்தாா்.

இதனடிப்படையில் போலீஸாா் விசாரணை மேற்கொண்டனா். மேலும் அந்த சிறுமியை மருத்துவ பரிசோதனைக்கு போலீஸாா் அனுப்பினா். இதில் அந்த சிறுமி, 6 மாதங்களாக பாலியல் வன்கொடுமை செய்யப்பட்டது உறுதி செய்யப்பட்டது.

இதையடுத்து போலீஸாா், குழந்தைகளுக்கு எதிரான பாலியல் வன்கொடுமை தடுப்பு சட்டம் உள்ளிட்ட பல்வேறு பிரிவுகளின் கீழ் வழக்குப் பதிவு செய்தனா். மேலும் இந்த வழக்கு தொடா்பாக சிறுமியின் உறவினா், இரு சிறுவா்களை போலீஸாா் திங்கள்கிழமை கைது செய்தனா்.