மாமல்லபுரத்தில் ‘உலக சா்ஃபிங் லீக்’ தொடக்கம்

மாமல்லபுரத்தில் ‘உலக சா்ஃபிங் லீக் ’ தொடா் செவ்வாய்க்கிழமை தொடங்கியது.

இந்திய சா்ஃபிங் சம்மேளனம், சாய், எஸ்டிஏடி சாா்பில் மாமல்லபுரம் கடற்கரையில், ஷோா் டெம்பிள் கிளாஸிக் உலக சா்ஃபிங் லீக், புரோ ஜூனியா் போட்டி நடைபெறுகிறது. கடந்த 2023-க்கு பின் டபிள்யுஎஸ்எல் மீண்டும் சென்னையில் நடைபெறுகிறது. தமிழக அரசு விளையாட்டுத் துறை செயலாளா் சந்தீப் நந்தூரி லீக் தொடரை தொடங்கி வைத்தாா்.

எஸ்டிஏடி உறுப்பினா்-செயலா் ஜெ.மேகநாத ரெட்டி, மாவட்ட ஆட்சியா் மு. வீரப்பன், லீக் இயக்குநா் டை சோரட்டி, எஸ்எஃப்ஐ தலைவா் அருண் வாசு, தமிழ்நாடு சா்ஃபிங் சங்கத் தலைவா் சித்தாா்த் வாசு போட்டி சீருடைகளை அறிமுகம் செய்தனா்.

ஆக. 16 வரை நடைபெறும் இத்தொடரில் ஆஸ்திரேலியா, இந்தியா, ஜொ்மனி, இந்தோனேசியா, பிலிப்பின்ஸ், தென்கொரியா, ஸ்வீடன், தாய்லாந்து, இந்தியா, அமெரிக்கா, இந்தியாவைச் சோ்ந்த 100 வீரா், வீராங்கனைகள் பங்கேற்கின்றனா்.

ஆடவா், மகளிா் கியு எஸ் 2000, ஆடவா், மகளிா் புரோ ஜூனியா் (பிகியுஎஸ்) என நான்கு பிரிவுகளில் நாள்தோறும் காலை 6.30 மணிக்கு முதல் ஆட்டம் தொடங்கும். இத்தொடா் சேலஞ்சா் சீரிஸ், சாம்பியன்ஷிப் டூருக்கு இந்திய அணியினா் தயாராக உதவும்.