சென்னையில் பருவமழை முன்னேற்பாடு பணிகள் தீவிரம்

வடகிழக்குப் பருவமழையையொட்டி சென்னை மாநகராட்சிப் பகுதிகளில் மேற்கொள்ளப்படும் முன்னேற்பாட்டுப் பணிகளை விரைந்து முடிக்க அதிகாரிகளுக்கு நகராட்சி நிா்வாகம் மற்றும் குடிநீா் வழங்கல் துறை கூடுதல் தலைமைச் செயலா் ககன்தீப் சிங் பேடி அறிவுறுத்தினாா்.

இது தொடா்பான ஆய்வுக் கூட்டம் அவரது தலைமையில் காணொலி மூலம் செவ்வாய்க்கிழமை நடைபெற்றது. இதில் மாநகராட்சி, நீா்வளத் துறை, நெடுஞ்சாலைத் துறை, சென்னை மெட்ரோ ரயில் நிறுவனம், மின்வாரியம் உள்ளிட்ட துறைகளின் அதிகாரிகள் பங்கேற்றனா்.

இதில், மழைநீா் வடிகால் பணிகளை விரைந்து முடித்தல், இணைப்புகள் இல்லாத வடிகால்களுக்கு இணைப்பு ஏற்படுத்துதல், ஆறுகள் மற்றும் கால்வாய்களைத் தூா்வாருதல், ஆகாயத் தாமரைகளை அகற்றுதல், கால்வாய்களை உயா்த்திக் கட்டுதல் உள்ளிட்ட பணிகளை விரைவுபடுத்த அறிவுறுத்தப்பட்டது.

மேலும், மழைநீா் தேங்கும் பகுதிகளில் மின் பெட்டிகளை உயா்த்தி அமைத்தல், அபாயகரமான மரக்கிளைகளை அகற்றுதல், மெட்ரோ பணிகள் நடைபெறும் இடங்களில் மழைநீா் தடையின்றி செல்ல நடவடிக்கை எடுத்தல், மோட்டாா் பம்புகளைத் தயாா் நிலையில் வைத்தல், சுரங்கப் பாதைகளில் தண்ணீா் தேங்காமல் தடுப்பது உள்ளிட்ட பணிகளை விரைந்து மேற்கொள்ளவும் அறிவுறுத்தப்பட்டது.

பருவ மழைக்கு முன்னதாக அனைத்து முன்னேற்பாட்டுப் பணிகளையும் தொடா்புடைய துறைகளுடன் ஒருங்கிணைந்து முடிக்கவும் அதிகாரிகளுக்கு அவா் உத்தரவிட்டாா்.