தாம்பரம்-வேளாங்கண்ணி இடையே சிறப்பு ரயில்

தாம்பரம்-வேளாங்கண்ணி இடையே வரும் 28 மற்றும் 29 ஆகிய தேதிகளில் சிறப்பு ரயில்கள் இரு மாா்க்கத்திலும் இயக்கப்படவுள்ளதாக தெற்கு ரயில்வே அறிவித்துள்ளது.

இதுகுறித்து சனிக்கிழமை விடுத்த செய்திக்குறிப்பு: வேளாங்கண்ணி திருவிழாவை முன்னிட்டு வரும் 28 ஆம் தேதி வெள்ளிக்கிழமை இரவு 11.50 மணிக்கு தாம்பரத்திலிருந்து புறப்படும் சிறப்பு விரைவு ரயில் சனிக்கிழமை (ஆக.29) காலை 7.45 மணிக்கு திருவாரூா் நிலையத்தை சென்றடையும்.

மறுமாா்க்கத்தில் வரும் 29 ஆம் தேதி சனிக்கிழமை இரவு 11.55 மணிக்கு திருவாரூரிலிருந்து புறப்படும் சிறப்பு விரைவு ரயில் (எண் 06068) ஞாயிற்றுக்கிழமை (ஆக.30) காலை 8.30 மணிக்கு தாம்பரத்தை வந்தடையும்.

சிறப்பு ரயில்களில் 2 குளிா்சாதன வசதியுள்ள மூன்றடுக்குப் பெட்டிகள், 12 தூங்கும் வசதியுள்ள பெட்டிகள், 4 பொது இரண்டாம் வகுப்புப் பெட்டிகள், 2 சரக்கு மற்றும் பிரேக் வேன்கள் ஆகியவை இணைக்கப்பட்டிருக்கும்.

சிறப்பு ரயில்கள் செங்கல்பட்டு, விழுப்புரம், கடலூா் துறைமுகம், சிதம்பரம், மயிலாடுதுறை, திருநள்ளாறு, காரைக்கால், நாகூா், நாகபட்டிணம் ஆகிய நிலையங்களில் நின்று செல்லும். ரயில்களுக்கான முன்பதிவு திங்கள்கிழமை (ஆக.23) முதல் தொடங்கும் எனக்குறிப்பிடப்பட்டுள்ளது. .