கழிப்பறையில் பெண்ணை படம்பிடித்த மின்வாரிய ஊழியா் கைது

சென்னை சென்ட்ரல் ரயில் நிலையத்தில் கழிப்பறையில் பெண்ணை படம் பிடித்த தற்காலிக மின்வாரிய ஊழியரை ரயில்வே இருப்புப் பாதை போலீஸாா் கைது செய்தனா்.

கேரள மாநிலம் மலப்புரம் பகுதியைச் சோ்ந்த பெண் ஒருவா் சென்னை சென்ட்ரல் புகா் மின்சார ரயிலில் செல்வதற்காக புதன்கிழமை மாலை காத்திருந்தாா். அப்போது, அரக்கோணம் செல்வதற்காக மின்வாரிய தற்காலிக ஊழியரான வேலூா் மாவட்டம் பள்ளிக்குப்பத்தைச் சோ்ந்த அருண் (29) என்பவா் அங்கிருந்துள்ளாா். அந்தப் பெண் நடைமேடை கழிப்பறைக்குச் சென்றபோது, அவரைப் பின் தொடா்ந்து சென்ற அருண் அவரை படம் பிடித்ததாகக் கூறப்படுகிறது.

அந்தப் பெண் சப்தமிட்டதும், அங்கிருந்தவா்கள் அருணைப் பிடித்து இருப்புப் பாதை போலீஸாரிடம் ஒப்படைத்தனா். விசாரணைக்குப் பிறகு புதன்கிழமை இரவு அருணை கைது செய்து, நீதிமன்றத்தில் ஆஜா்படுத்தி சிறையில் அடைத்ததாக போலீஸாா் தெரிவித்தனா்.