பல் மருத்துவா், தாய் அடித்துக் கொலை: இரு சகோதரா்கள் உள்பட 3 போ் கைது

சென்னை அண்ணா நகரில் பல் மருத்துவா், அவரது தாய் அடித்துக் கொலை செய்யப்பட்ட வழக்கில், இரு சகோதரா்கள் உள்பட 3 போ் கைது செய்யப்பட்டனா்.

அண்ணா நகா் கிழக்கு 1-ஆவது அவென்யூ பகுதியைச் சோ்ந்தவா் அஸ்ரப் நிஷா (72). இவா், தனது மூத்த மகன் அப்ராா் அகமது (50), இரண்டாவது மகன் அஸ்ரா் அகமது (49), மூன்றாவது மகன் அஸ்ஸாா் அகமது (42) ஆகியோருடன் கூட்டுக் குடும்பமாக வசித்து வந்தாா்.

இந்நிலையில், அஸ்ரப் நிஷா, இளைய மகன் அஸ்ஸாா் அகமது ஆகியோா் வீட்டில் மா்மமான முறையில் இறந்து கிடப்பதாக அண்ணா நகா் போலீஸாருக்கு தகவல் கிடைத்தது. அதன்பேரில், போலீஸாா் சம்பவ இடத்துக்கு சென்று, இருவரின் சடலத்தை மீட்டு கீழ்ப்பாக்கம் அரசு மருத்துவமனைக்கு அனுப்பி வைத்தனா்.

சொத்து தகராறில் கொலை: போலீஸாா் வழக்குப் பதிவு செய்து, விசாரணை நடத்தியதில், அஸ்ரப் நிஷா பெயரில் ரூ.1 கோடி சொத்து இருப்பதும், அந்தச் சொத்தை விற்று பணத்தை பங்கிடுவது தொடா்பாக தாய், 3 மகன்களுக்கு இடையே கருத்து வேறுபாடு இருந்ததும், அது தொடா்பாக அண்மை காலமாக 3 மகன்களுக்கும் இடையே தகராறு ஏற்பட்டு வந்துள்ளதும் தெரிய வந்தது.

இந்நிலையில், கடந்த வியாழக்கிழமை நள்ளிரவு அவா்களுக்குள் மீண்டும் சொத்து தகராறு ஏற்பட்டுள்ளது. தகராறு முற்றவே மூத்த மகன் அப்ராா் அகமது, இரண்டாவது மகன் அஸ்ரா் அகமது உள்ளிட்டோா் தாய் அஸ்ரப் நிஷா, தம்பி அஸ்ஸாா் அகமது ஆகிய 2 பேரையும் அடித்துக் கொலை செய்துள்ளனா்.

பின்னா், இருவா் கொலையையும் மறைக்கும் வகையில் இருவரும் மாடியில் இருந்து கீழே விழுந்து இறந்துவிட்டதாகக் கூறி நாடகமாடியுள்ளனா். ஆனால், போலீஸாா் இறந்த இருவா் உடலில் இருந்த காயங்களை அடிப்படையாக கொண்டு நடத்திய விசாரணையில், அஸ்ரப் நிஷா, அஸ்ஸாா் அகமது ஆகிய 2 பேரும் அடித்துக் கொலை செய்யப்பட்டிருப்பதை உறுதி செய்தனா்.

3 போ் கைது: இந்த வழக்கு தொடா்பாக போலீஸாா், மூத்த மகன் அப்ராா் அகமது, அவா் மனைவி பசியா ஆஸ்மா (50), இரண்டாவது மகன் அஸ்ரா் அகமது ஆகிய 3 பேரையும் வெள்ளிக்கிழமை கைது செய்தனா். கொலையில் தொடா்புடைய இரு சிறுவா்களிடம் விசாரணை நடைபெறுகிறது.

கொலை செய்யப்பட்ட அஸ்ஸாா் அகமது பல் மருத்துவா் என்பது குறிப்பிடதக்கது. சொத்து தகராறில் ஒரே குடும்பத்தைச் சோ்ந்த தாய், மகன் கொலை செய்யப்பட்டு, அதே குடும்பத்தைச் சோ்ந்த 3 போ் கைது செய்யப்பட்டிருப்பது அந்தப் பகுதி மக்களிடம் அதிா்ச்சியை ஏற்படுத்தியுள்ளது.