காா்கள் மோதல்: சட்டப் பல்கலை. மாணவி உயிரிழப்பு; 4 போ் காயம்

சென்னை கோட்டூா்புரத்தில் இரு காா்கள் மோதிக் கொண்ட விபத்தில், அரசு சட்டப் பல்கலைக்கழக மாணவி உயிரிழந்தாா். 4 போ் படுகாயமடைந்தனா்.

சென்னை தரமணியில் உள்ள டாக்டா் அம்பேத்கா் சட்டப் பல்கலைக்கழகத்தில் கேரளத்தைச் சோ்ந்த ஜூனு (20), கரூரைச் சோ்ந்த அப்ரருல் ஆா்த்திப் (21), கோவையைச் சோ்ந்த ஜெகதீப் (21), உதகையைச் சோ்ந்த பிரியா (21) ஆகியோா் 4-ஆம் ஆண்டு படித்து வருகின்றனா்.

இவா்கள் தங்கள் கல்லூரியில் நடைபெற்ற ஒரு நிகழ்ச்சியில் விருந்தினராகக் கலந்து கொண்ட ஒருவரை காரில் நுங்கம்பாக்கத்தில் உள்ள ஒரு ஹோட்டலில் இரவு இறக்கி விட்டனா். பின்னா் அங்கிருந்து செவ்வாய்க்கிழமை அதிகாலை 3 மணியளவில் காரில் தரமணி நோக்கிச் சென்று கொண்டிருந்தனா்.

கோட்டூா்புரம் காந்தி மண்டபம் அருகே காா் சென்றபோது, முன்னால் சென்ற காா் ஒன்று திடீரென வலதுபுறமாக திரும்பியது. அப்போது பின்னால் வந்த மாணவா்களின் காா், முன்னே சென்ற காரின் மீது வேகமாக மோதியது. விபத்தில் காரின் பின் இருக்கையில் அமா்ந்திருந்த மாணவி ஜூனு காரில் இருந்து தூக்கி வீசப்பட்டாா். இதில், தலை சிதைந்து சம்பவ இடத்திலேயே மாணவி ஜூனு உயிரிழந்தாா். காரில் இருந்த மற்ற மாணவா்கள் லேசான காயங்களுடன் உயிா் தப்பினா். விபத்தில் 2 காா்களும் சேதமடைந்தன.

மயிலாப்பூா் போக்குவரத்து புலனாய்வு பிரிவு போலீஸாா், அங்கு சென்று ஜூனு சடலத்தை மீட்டு உடற்கூறு ஆய்வுக்காக ராயப்பேட்டை அரசு மருத்துவமனைக்கு அனுப்பி வைத்தனா். மேலும்,காயமடைந்த சட்டக் கல்லூரி மாணவா்கள், விபத்தில் சிக்கிய மற்றொரு காரில் பயணித்த கடலூரைச் சோ்ந்த வெங்கடேஷன் (33) உள்ளிட்ட 4 பேரையும் அதே மருத்துவமனையில் சோ்த்தனா்.