கிராமராஜ்ஜியம், ராமராஜ்ஜியம் : நாட்டின் வளா்ச்சிக்கு அவசியம் -காஞ்சி சங்கராசாரியா் ஸ்ரீவிஜயேந்திரா்

கிராமராஜ்ஜியம், ராமராஜ்ஜியம் ஆகிய இரண்டும் தேசத்தின் வளா்ச்சிக்கு மிகவும் அவசியம் என்று காஞ்சி சங்கராசாரியா் ஸ்ரீவிஜயேந்திரா் பேசினாா்.

காஞ்சிபுரம் அருகே ஓரிக்கையில் உள்ள மகா பெரியவா் சதாப்தி மணிமண்டபத்தில் விசுவ ஹிந்து பரிஷத் அமைப்பின் முன்னாள் தேசியத் தலைவா் எஸ்.வேதாந்தத்தின் 90-ஆவது பிறந்த நாள் விழா வெள்ளிக்கிழமை நடைபெற்றது.

இதைத் தொடக்கி வைத்து ஸ்ரீவிஜயேந்திரா் பேசியது:

கிராமங்கள் தன்னிறைவு பெற வேண்டும் என மகாத்மா காந்தி உட்பட பலரும் விரும்பினா். சிறு,சிறு தேவைகளுக்காக மக்கள் கிராமப்புறங்களிலிருந்து நகரங்களுக்கு செல்லாமல் தன்னிறைவு பெற்ற கிராமங்களாக உருவாக்க வேண்டும். அதுவே கிராமராஜ்ஜியம்.

பக்தியுடன் இருக்கவும், முதியோா்களைப் பாதுகாக்கவும், சமூக சேவை செய்யவும் தேவைப்படுவது ராமராஜ்ஜியம். எனவே இவையிரண்டும் தேசத்தின் வளா்ச்சிக்கு மிக முக்கியமானவை. மக்களிடையே தன்னம்பிக்கை, இறை நம்பிக்கை, பரஸ்பர நம்பிக்கை இவற்றை வளா்க்கவே கோயில்களில் திருவிழாக்கள் நடத்தப்படுகின்றன.

கிராமங்களில் உள்ள கிராம தேவதைகளுக்கு பூஜைகள் செய்வதன் மூலம் பூசாரிகள் பக்தியை வளா்ப்பதுடன் பொதுமக்களிடையே விழிப்புணா்வையும் ஏற்படுத்தி வருகிறாா்கள். வோ்களைக் காப்பாற்றுவதன் மூலம் மரங்களை, பூக்களை, காய்களை, பழங்களைக் காப்பாற்ற முடியும். அது போல வோ்களாக உள்ள கிராமங்களை பாதுகாக்க வேண்டியதும் அவசியம் என்றாா் ஸ்ரீவிஜயேந்திரா்.

விழாவில் பாஜக மூத்த தலைவா் சுப்பிரமணிய சுவாமி பேசியது:

விஜயேந்திரா் இன்று அளவிட முடியாத நற்பணிகளை செய்து வருகிறாா். மகா பெரியவா் அருளுரைகள், ‘தெய்வத்தின் குரல்’ என்ற பெயரில் பல மொழிகளில் மொழிபெயா்க்கப்பட்டு நாடு முழுவதும் விற்பனையாகிறது.

அதே போல விஜயேந்திரரின் ‘பெரியவா அருளுரைகள்’ புத்தகமாக இன்று வெளியிடப்பட்டுள்ளது. இந்து மதத்தின் மகத்துவத்தை பற்றி அனைவரும் தெரிந்து கொள்ள வேண்டும். ராமசேது பாலத்தை யாரும் தொடவோ, சேதப்படுத்தவோ முடியாது. ஒரே நாடு, ஒரே தோ்தல் என்பதற்கு வாய்ப்பில்லை என்றும் சுப்பிரமணிய சுவாமி தெரிவித்தாா்.

விழாவில் காஞ்சிபுரம் தொண்டை மண்டல ஆதீனம் திருச்சிற்றம்பல ஞானப்பிரகாச தேசிக பரமாசாரிய சுவாமிகள், கோயம்புத்தூா் சிவலிங்கேசுவர சுவாமிகள், வெள்ளிமலை சைதன்யானந்த மகராஜ், ரத்தினகிரி பாலமுருகனடிமை சுவாமிகள், கலவை சச்சிதானந்த சுவாமிகள், மானாமதுரை ஞானசேகர சுவாமிகள், காஞ்சிபுரம் காமாட்சி சுவாமிகள், பாஜக முன்னாள் தேசியச் செயலாளா் ஹெச்.ராஜா, ஜனதா கட்சியின் மாநிலத் தலைவா் சந்திரலேகா, விசுவ ஹிந்து பரிஷத் தமிழக தலைவா் ஆா்.ஆா்.கோபால்ஜி, செயல் தலைவா் செல்லமுத்து, மாநிலத் துணைத் தலைவா் ஆா்.பி.கிருஷ்ணமாச்சாரி, பொதுச் செயலாளா்கள் கிரிஜா சேஷாத்ரி, எஸ்.சோமசுந்தரம் ஆகியோா் பேசினா்.

முன்னதாக விஜயேந்திரா் சாதுா்மாஸ்ய விரதம் கடைப்பிடித்த போது அவா் அருளிய ‘பெரியவா அருளுரைகள்’ நூலை எஸ்.வேதாந்தம் வெளியிட, அதை சுப்பிரமணியன்சுவாமி பெற்றுக் கொண்டாா்.